Yobkwi 86:5 - NTSHOB NSI

⁵ Nummb'o b'a mèn mebwô me Tshùaben, o be ndagte. O dun nkôni num ben tse bo be ntsiaṅ lén so là.

Yobkwi 86:5 Iomraidhean Croise

Néhémi 9:17

bo gha neju' ntshu, ndagte numebwô tse netshàm ts'o ghù num bo là. Ntù tshob sag, bo ghom ta' mfen ntùm tatu yube, ndùlala ndù bo bèn ntsho ntùm kuan. Là tu wul o, o b'a Nsi z'a be mfùag wut nelagte mfànnu là, mbe ngatshàmndèn, ngakondèn, nke ndèt wut num yantù, ndù o ghù bwôntù ze ndùb; o lo ke ghua' yube;

Yobkwi 103:3

Yi z'a be ndagte njoṅ nukebwô tsho fa, yi z'a be njate njoṅ ngokèt tsho fa là.

Yobkwi 103:8

Tshùaben b'a fitemèn mbe ngakondèn, nke ndèt wut num yantù, mbe ngakondèn.

Yobkwi 119:68

O b'a mèn mebwô, nke ngù mebwô, tswit'àm ntshù' mu.

Yobkwi 130:4

Là nelagte num mbaṅ o, ndùlala ndù bo bwôg o;

Yobkwi 130:7

A bwô ndù Israél nywinte num Tshùaben, nummbe kondèn num mbaṅ Tshùaben, netshu' be mbèn njàm mbaṅ i.

Yobkwi 145:18

Tshùaben ghebte mbaṅ njoṅ ben fa tse bo be ntsiaṅ i là, njoṅ ben fa tse bo be ntsiaṅ i à ntùm nenùn nà.

Yobkwi 25:8

Tshùaben b'a mèn mebwô mbe mèn netsine. A ndùlala, a be nda'te manze ben kebwô.

Yobkwi 36:7

Yu nunetsin be à mba mbat Nsi là, tsho tsho'te ntsha be mba ghem ndùb là. Tshùaben, o be ntomte benntùn mba ba nyàm.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Yobkwi 52:1

Ntshagte yobkwi. Yobkwi David.

Yobkwi 69:14

O Tshùaben, me ke nde'te yàm à wù mum ngelaṅ mebwô. Tshùa njam kondèn o ze ndùb mbùnte me, tshùa njam ywimt'o ze nenùn mbùnte me.

Yobkwi 69:16

Kà ntse bèn ndun num àm, kà ghem bèn mi àm, kà tô kabte num àm.

Yobkwi 86:15

Là, wù Tshùaben, o b'a Nsi kondèn mba Nsi tshàmndèn, ndù o be ndèt wut num yantù, mbe ngafu' ntùm bwôntù nenùne.

Netume 34:6

Tshùaben tôg mbwe Mosé ntshob ndù: Tshùaben, Tshùaben, Nsi mbétni mbe ngatshàmndèn, o num ndèt wut num yantù, mbe ndù o dun nkôni bo nenùne.

Esaya 55:7

A bwô ndù ngatshùagntù kag manze z'a tshùb là, ngafànnu ghua' nkwatenu mi; a bwô ndù a bèn njam ntèt Tshùaben, a nsi ko ndèn mi. A bèn njam ntèt Nsi be z'a ke' be bot nelagte mfà be là.

Yérémia 33:3

Bin tsiaṅ lén sàm, me nsi bùnte; me nsi soṅ tshu ndùbndùb, tshu ts'a lemte là, ts'o ke' lèn nà.

Ezékia 36:33

Tshù ju ze Tshùaben Nsi tshob li: Lé'njù se me nsi lànte zin num mfànnu min nà, me nsi ghù benntùn bèn ntswe ntùm ntusô, bo bèn nkut fam.

Ezékia 36:37

Tshù ju ze Tshùaben Nsi tshob li: Me nsi be fà ju là tunndà Israél faṅ ndù bo diag àm. Me nsi ghù bo yàme, mbe bwoṅ yube;

Daniel 9:9

Tshùaben Nsi yag, kondèn bo lagte tù' lôt'a nda' wù, nummbe bag lèn ndù bag ta tu wù.

Yoél 2:13

Bin fagt'a ntù tsine, ntshùa nefagt'a nzwe tsine; bin bèn njam ntèt Tshùaben Nsi zin, nummb'a b'a bétni mèn, mbe ngakondèn, mbe ngafènte, ndù kondèn gha' mbu yi, a be mbate nkwatenu mi mbwe nge' mènntùn.

Yona 4:2

A le'te Tshùaben ntshob ndù: Tshùaben, me lo ke tshob ké? A ke ju ze me ke ntshob ndùse me ke' ntùm yàm ngô là ké? A ju ze me ndiag nebùt kà nke nkù nèn Tarsis là. Nummbe me lo lèn ndù o b'a Nsi tshàmndèn mba ze kondèn, nke ndèt wut num yantù, mbe ngaju ntùm bwôntù, mbe ndù o be mbate nukebwô ntù o.

Mika 7:18

Zit Nsi z'a fut'o à? Zit Nsi z'a be ndagte mfànnu, ke ke nte lag num nukebwô tshé' ntsi' mu à? A ke' be lé' yantù i matmat, nummb'a be ṅwate num kondèn.

Yohané 4:10

Yésu bùnte ntshob yi ndù: O lo ndèn ju ze Nsi num mfà là, mbèn ndèn mèn z'a tshwèt ntshob wù ndù: Fà mén ntse me, me nu là, kà mbu' mbu yi yu tu, mb'a fà ntse yôg wù.

Mfa' Ghantum 2:21

là mba we lo z'a nsi tsiaṅ lén Tshùaben nà nsi yôge.

Efésô 2:4

Là Nsi la'te kondèn ndùb be num nkôni i ze ndùb z'a kô be yi là;