Yobkwi 85:6 - NTSHOB NSI

⁶ O nsi ke ya ntù bag à njoṅ ndù fa ké? Yantù o nsi ke nèn mbwe à matmat ké?

Yobkwi 85:6 Iomraidhean Croise

Yobkwi 138:7

A be ze me zin mba ntùm nge' là, mb'o a' ghù me yôg, o be mbù' bu o ntshag num ghakeban tshàm, bu o ze zwim yôg àm.

Yobkwi 149:2

A bwô ndù Israél ke ntsiaṅte num Mbom i, bon Sion ke ṅwate num mfen yub.

Yobkwi 53:6

Bo nsi vètte ntùm bwôg, ndù bwôg ke' ne mbe. Nsi a' sate mvôg ghamfùm. O nsi zwiaṅte yube, nummbe Nsi ghua' yube.

Yobkwi 71:20

O laṅte yag mum nge' mba ngùtni yàme. Là, o nsi bèn fà yôg bag. O nsi ghù bag tum ntùm ngem mi a mum tsha' là.

Yobkwi 74:1

Yobkwi Asaf. O! Nsi, numk'o ngua' i yoṅ ntshù' à? Numk'o nja ntù num bwoṅ nyàm z'a be mfèt ntùm so kin n'à?

Yobkwi 77:8

Tshùaben tù' ghua' be à yoṅ ntshù' ké? A ke' bèn mbam neko ndèn ké?

Yobkwi 80:18

A bwô ndù bu o be num mèn z'a num bag bu o ze zwim nà. Num bon mèn nyiaṅtu ts'a na' nkwiagte là.

Yobkwi 90:14

Ke ngù ndù bag ywèt kondèn o njoṅ nkebnjù fa. Ndùlala mba bag nsi be ntùm tsiaṅte mba ṅwate mum njoṅ yôg sag fa.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Yérémia 3:5

O be ngô ntùm nukebwô nke ntshob ndù: Ndù a' ke nja à be ntù njoṅ ndù ké? Ndù a' lé' yantù i à ngu'ngu' ké?

Yérémia 33:11

tshu'te tsiaṅte, nkwi ṅwate, ju' nze ndungon bo ze nzwingùn, ju' tshu'te ben tse bo nsi yob kwi là. Bo nsi ke tshob ndù: Bin ghamte Tshùaben tàndà ntsho, nummb'a b'a mbwô mèn, kondèn i nke ntswe matmat! Nze ben tse bo ke mfà tshule'te tse nenyàmte là be ntùm ndà Tshùaben. Nummbe me nsi lo' kuan ngô bèn yi njam, tete yub mb'a be mbwembwe là. Tshùaben bèn ntshob ndùlala.

ṄWA'NI OSÉ 6:2

A nsi be be lé'njù bàa a fà yôg be, a be kum lé'njù tat a bù'te be. Be nsi yôg mbw'é;

Habakuk 3:2

Tshùaben, me ju' ju z'o tshob là, wul àm fét num fa' so me Tshùaben. Ghù fa' so tswite wul i ntùm ngu'ngu'. Là mba ntùm yantù o, a bwô ndù o kwimte kondèn o.