Yobkwi 85:3 - NTSHOB NSI

³ O lo lagte mfànnu yu nzwit mèn. Nkabte njoṅ nukebwô tse fa.

Yobkwi 85:3 Iomraidhean Croise

2 Kronika 6:39

mb'a bwô ndù o tsin mfe kamànyam, dù' ze dù'ntswe o be là, nju' le'te yub boa yub nema' mbu, ngù nunetsin num bo; ndagte nukebwô tse yu nzwit mèn ghù num o là.

Yobkwi 106:23

A tshob ndù a' biagte yube. Là Mosé mèn z'a tsho' i là tsin mbwe mba ngatshùb fenkaṅ nà, mbotte yantù i, ntshètt'é nebiagte yube.

Yobkwi 78:38

Mba ndùlala, a nke ndagte nukebwô yub mum kondèn i njoṅ ndù fa, ke bagte yube. A nke ntshùb yantù i ngelaṅ yàme, ke lo' njoṅ tshùagntù i fa nèn yi mbwe.

Netume 32:22

Aron tshob ndù: A ke' bwô ndù tshùaben àm ya ntù; tu wul o lèn mba yen ngô li be ngwù ntùm nukebwô là.

Esaya 12:1

O nsi tshob sen lé'njù là ndù: Me nyàmt'o me Tshùaben. Nummb'o lo ya ntù num àm, ndonni ntù o fite, o nke ntagt'àm.

Esaya 40:1

Tshùaben Nsi zin tshob ndù: Bin fite ntù, bin fite ntù yàm nzwit mèn

Esaya 40:2

Bin lo' nku'ni ntshob nu yi Yérusalém, nkua' neta ntshob yi ndù ze ngelaṅ sobni mi mba di, bin tshob yi mbe mfànnu mi mi mba di! Bin tshob yi ndù a lo kwé nevù ntsha mum mbu Tshùaben yoṅ tse bàa, mbe ndùlal'a num nukebwô tse.

Esaya 6:7

A lo' nge'mbwôg là nkwag ntshu àm yi, ntshob ndù: Yen nge'mbwôg li kwag nkub ntshu mu, ndonni bo bwete nukebwô tsho, mbiagte mfànnu mu.

Yérémia 50:20

Num tshen lé'njù là, num yen ngelaṅ nà, bo nsi diag mfànnu Israél be ke yen, diag nukebwô Yuda, a be ke bèn mbe. Nummbe me nsi lagte tshé' i ze me nsi faṅ nà. Tshùaben bèn ntshobe.

Ezékia 16:63

ndùlala ndù o kwimte ju z'a tôg là tuswe ko o, mba ndù k'o bèn nga' ntshu o, tuswe ko o, ndùse me nsi lagte njoṅ mba ke lo z'o ghù là. Tshùaben Nsi bèn ntshobe.

Yona 3:9

Be mo' ndù Nsi kôgte yantù i, ke bèn ngù mb'a tshob là; be mo' ndù tonkèt yantù i fi, kà be ke bèn nkwùte.

Mika 7:19

A bwô ndù o bèn nko ndèn mage, ma' mfànnu mag nsi te ku o bwe. Ma' nukebwô tshag fa ntùm dibantse.

Yohané 1:29

Njù be làne, Yohané yen Yésu, a nke nse' mbaṅ i, a tshob ndù: Tshù mén njùmbwe Nsi z'a ket nukebwô njù là.

Nebwôgte 13:17

O nsi kùmte ntsha' fa netèt ngô ton tusô fafa boa ntsha' ntsho num miag Tshùaben Nsi o. Sen tusô là nsi tù' z'a ta' fèt se ndùlala, mèn be ke bèn nkul i.

Nebwôgte 32:43

Ngôngô, bin ghamte ze nzwit mèn! Nummbe Tshùaben nsi yagte mba' lem ghafa' tse; a nsi yagte mba' num ghakeban tse, tamte fa num ze ngô mba ze nzwit mèn.