Yobkwi 84:3 - NTSHOB NSI

³ Ntù àm be nkù, nke nkô nebe ntshundà Tshùaben. Ntù àm mba wul àm nke ntshag nz'é tù, nke nkua' Nsi z'a be ntùn nà.

Yobkwi 84:3 Iomraidhean Croise

2 Samuél 15:25

Ndùse njoṅ benntùn fa miagte netum nà mfen tshob Tsadok ndù: Lo' Koṅ Nsi mbèn yi tusô. A be ze me be mènfen num miag Tshùaben nà, mb'a nsi lo' àm bèn yi njam, ghù me yen Koṅ bo dù'ntswe i.

Yobkwi 116:7

Ntù àm, bèn njam mfite tsho, nummbe Tshùaben ghù numebwô num o.

Yobkwi 42:3

Ntù àm tshwèt nkù num Nsi, num Nsi z'a tswe ntùn nà. Me nsi nène, me nsi ṅwag mbwe Nsi à ndùke?

Yobkwi 43:4

Ndù me zi nèn mbaṅ tômbwôg le'te Nsi, Nsi z'a be mfà tsiaṅte mba ṅwate là. O Nsi, me nsi ghamt'o num loṅe, mbelàbe.

Yobkwi 5:2

Tshùaben! Kù' ntoṅ nju' ntshob màm, ju' mba me tshwèt ndàn wù là!

Yobkwi 90:1

Le'te Mosé, mèn Nsi. Tshùaben, o na' mb'a yag ndàlem. Ndùlala ngu'ngu'.

Yobkwi 91:1

We z'a be ntswe bam netshaṅ Nsi z'a tà mfe tù, nke mfite bam netshaṅ Nsi Nganeta à?

Ezékia 24:21

Tshob tunndà Israél ndù: Tshù mba Tshùaben Nsi tshob là li: Tshù, m'a' sagte dù' àm ze nelàne (mbwe' àm) dù' ze ka'te zin neta be mfe là, dù' ze bin be nte miag bwe nke ntsiaṅte là, dù' ze bin be nkô neshu là. Bon tsin tse bandum boa tse bènnzwi tse bin nsi faṅ bwe nèn nà nsi kwùt'a num ntshùag ṅwi.

Matio 23:37

Yérusalém, Yérusalém, wù z'o num nke nzwite ghatshob ntshob Nsi, ntamte ben tse bo tum yub wù là ndoṅ nà, a yoṅ si' mba me diag netse'te bon tsho ndaṅndaṅ mba mà ngab be ntse'te bon tse tun mbàb mi bin ke kô à?

Matio 8:20

Yésu tshob yi ndù: Ba mbàbndun ghù ntô tshobe, bon nsaṅ bèn ngù nkàn tshobe, là Mén mèn ke' ghù dù' neyab tu i bwe, mfite.