Yobkwi 83:18 - NTSHOB NSI

¹⁸ A bwô ndù tuswe ke nko yube, a bwô ndù fétwut ke ngom yub njoṅ ndù fa. A bwô ndù tuswe ko yub kà bo zwiaṅte mbi!

Yobkwi 83:18 Iomraidhean Croise

Neto'te 22:14

Abraham tswi lén dù' là ndù: Tshùaben bèn fà. Ndùlala bo be ntshob ndonni ndù: Tshùaben nsi fà ju z'a tsi là mfe num mbal i.

1 Fenfen 18:37

Tshùaben, bùnte me! Bùnte me ngô lèn ndù a b'a wù Tshùaben bèn mbe Nsi, mba ndù o tshùa ndùlala nsoṅte ntù tshob mbèn yi njam!

2 Fenfen 19:19

Tshùaben Nsi yag, tshu' yag mum mbu Senakérib ndonni, njoṅ nufen fa num nsitsha' lèn ndù o bèn mbe nkwi Nsi ntshù', mb'a wù Tshùaben.

Yobkwi 18:13

Ndot lo ke ntum ntùm nkuni mi a tam mbwe i là, nke ma' nywinmbaṅ boa nge'mbwôge.

Yobkwi 35:4

A bwô ndù tuswe ko ben tse bo be nkô nezwi àm nà. A bwô ben tse bo be ndiag nebiagt'àm nà be bènte njam nja ntù.

Yobkwi 59:13

Nukebwô z'a ntshu bo là b'a ntshob mi a tum num nkub ntshu mub là. A bwô ndù yub ko'te wut tsho be num bo, num nu ndon bo be nso là, mba num tatte bo be ntshob là.

Yobkwi 9:16

Ghakeban Nsi vù ntùm tô se bo tswe' là, nku mub tsho ntùm nkù ze bo bùn nà.

Yobkwi 9:2

Tshùaben, me nsi ke ghamt'o njoṅ ntù àm fa, me nsi ke soṅ njoṅ mfa' nkuni mu fa.

Yobkwi 92:8

A be ze ghatshùagntù ke nku' nèn mbwe mba nenà là, a be ze njoṅ ghatshùagntù fa ke nte' là, mb'a b'a ndù bo biagte yub matmat.

Yobkwi 97:9

Nummb'o b'a Tshùaben, Nsi z'a tà mfe tù num njoṅ nsitsha' fa là, ndù o tshùa njoṅ tsemo' nsi fa neshu.

Netume 6:3

Me lo ṅwag Abraham, ṅwag Isak, ṅwag Yakob mba Nsi Nganeta Ntshùate là; nda' ndù bo lo ke lèn àm lén sàm s'a be Tshùaben nà.

Esaya 42:8

Me b'a Tshùaben, tshù lén sàm nà. Me ke nsi fà yàm ghamte mo' mèn, ke fà yàm nku'ni ba neto.

Esaya 5:16

Tshùaben tàndà ntsho nsi be mèn ndùb a num ze netsho'te ntsha. Nsi nelàn nsi be nelàn ntshùa num ze nunetsine.

Esaya 54:5

Nummbe Mbom o bèn mbe yu ndu: Lén se b'a Tshùaben tàndà ntsho. Ngatshu' o b'a Mèn Nelàn Israél. Bo ke ntsiaṅ i à Nsi njoṅ nsitsha' fa.

Yérémia 16:21

A ndùlala, Tshùaben bùnte ndù: M'a' la't'é bo! Ṅ, yen yoṅ i li m'a' ghù bo lèn bu àm bo ngù' àm. Bo nsi lèn kua' ndù lén sàm b'a Tshùaben.

Ezékia 30:19

Me nsi tsho'te Egipto, a tshùa ndùlala bo lèn ndù me b'a Tshùaben.

Ezékia 38:23

Me nsi la'te yàm nezi bo nelàn àm, ghù ngôngô yàm lèn àm. A nsi tshùa ndùlala bo lèn ndù me b'a Tshùaben.

Daniel 4:25

Mba wù là, bo nsi yoṅ o netèt benntùn, k'o ke ntswe à bin à nyàm tshwèt. Bo nsi lo' à nenà kém o yi mba nyàmna' là, lo' meme' ywèl o yi. Zwiaṅ njù sammbàa nsi tôg num o, tà nkum ndùs'o lèn ndù Nsi z'a tà mfe tù be ntô nufen benntùn, nke mfà nufen nà mba we lo z'a kô i là.

Daniel 4:32

Bo nsi yoṅ o netèt benntùn, yu dù'ntswe tù' b'a netèt nyàm tshwèt. Bo nsi kém o nenà mba ba nyàmna' là; zwiaṅ njù sammbàa nsi tôg num o tà nkum ndùs'o lèn ndù Nsi z'a be tà mfe tù bèn nke ntô nufen benntùn, mbèn nke mfà i mèn z'a kô là.

Mika 4:13

Ngon Sion, lo nsi nyiaṅte nku, me nsi ghù ndô mu tù' tùne, ghù tun nku mu tù' tùn meba; o nsi nu bu ngô nzenze. O nsi lo' ntsha' fà Tshùaben, fà tshunkàb tshob Tshùaben njoṅ nsitsha' fa.

Sakaria 4:14

A tshob me ndù: Bo b'a ben neyo' bàa tse bo be ntsin mbwe Tshùaben njoṅ nsitsha' fa là.