Yobkwi 83:10 - NTSHOB NSI

¹⁰ Ghù bo ndaṅndaṅ mba Madian, ndaṅndaṅ mba Sisera, ndaṅndaṅ mba Jabin num fub ntsit mbaṅ Kison nà!

Yobkwi 83:10 Iomraidhean Croise

2 Fenfen 9:37

fe Yézabél tù' ju netshab dù' yi num nà, ntùm nà mà Yizréel, kà mèn ke ku'ni nebèn ndèn ndù a b'a Yézabél.

Yérémia 16:4

Ba ngokèt nsi zwite yube, bo be ke làn yube, ke tshoṅ yube. Bo nsi sate num tsha' mba nenà netshab dù' yi là; bo nsi lo' ṅwi biagte yub yi; nziku' biagte yube; fe tshob nsi be jujù nsaṅ kamànyam boa nyàm ts'a be num nsitsha' là.

Yérémia 8:2

Bo nsi sate men mvôg là mbwe nyam, mbwe maṅwù, mbwe ntshu ntsho kamànyam, ze bo na' nkô i, mfa' yi, ntam njam i, ndiag i, ngwù nsi mbwe i là; bo ke nsi kùmte mvôg là, ke tshoṅ yube; bo nsi b'a mba ju netshab tsha' yi là.

Sofoni 1:17

Me nsi ma' benntùn ntùm nge', bo ke nzin mba ba mfùmiag là, nummbe bo ghù nukebwô num Tshùaben; me nsi sate lem tshob mba mbab là, sate mbàb yub mba nenà nsindà là.

Yoshua 17:11

Ntùm ngô Isakar bo Aser, Manasé ghù tshen dù' li ndù: Bét-Shéan boa ntusô mi, Jibléam boa ntusô mi, ben bo ke ntswe Dor là boa ntusô mi, ben bo ke ntswe Megiddo là boa ntusô mi. A tamte fa mbe taṅ ngô tat.

Ghasa'kame 4:15

Tshùaben ma' Sisera boa nkalig mi mba ben tse mum mbu Barak. Sisera swe' num kalig se nkù nku.

Ghasa'kame 4:16

Barak yab njam nkalig bo ntshu ntsho tà nèn nkum Haroshet-Goim. Njoṅ ze ntshu ntsho Sisera fa vù num ntshùag ṅwi, sàm ta' mèn mba ntshù' ke tum.

Ghasa'kame 5:21

Fub Kison lo ket yub nèn yi, njwèn fube, fub Kison. Ntù àm ṅwate; nyiaṅte ba sa'nde' nku me ntù àm!

Ghasa'kame 7:25

Bo ghom fenfen Madian bàa, Oréb bo Zéeb. Bo zwi Oréb num gho Oréb, nzwi Zéeb loṅ tshab Zéeb. Bo yab njam ba Madian, ndo' tu Oréb bo ze Zéeb nse' mfà Gédéon mo' yoṅ Yordan.

1 Samuél 28:7

Saulo tshob ghafa' tse ndù: Bin diag ta' mènnzwi z'a be ntshobte boa fe ben nà, m'a' nèn mbètt'é nu. Ghafa' tse bùnte yi ndù: Mo' mènnzwi En-Dor ndù a num ntshobte boa fe ben.