Yobkwi 82:2 - NTSHOB NSI

² Bin nsi ke lo' tatte tsho'te ntsha yi tà kum à ndùke? Bin nsi ke be njam ghatshùagntù tomte yub tà kum à ndùke?

Yobkwi 82:2 Iomraidhean Croise

1 Fenfen 18:21

Ndùlala Elia kù'te nèn mbaṅ ngô ntshob ndù: Bin nsi ke vù bag bag tà nèn kum à ndùke? A be Tshùaben b'a Nsi là, bin tam njam i, a be z'a b'a Baal là, bin tam njam i. Ngô ke bùnte sàm ju yi.

2 Kronika 19:7

Ndonni a bwô nebwôg Tshùaben be num bin. Bin zete num ngùninu mine, ndèn ndù mfànnu ke nelôte ntshù benntùn no ke num Tshùaben Nsi be. A ke' be bam bo junt'é.

ṄWA'NI YOB 32:21

Me ke nsi lôte miag mèn, me ke nsi batte sàm mèn.

ṄWA'NI YOB 34:19

Nsi bèn nabte mba we lo. A ke' be ghù tôte num ben ndùbndùb, ke ghù tôte netèt ngaju bo mbwoṅ.

Yobkwi 62:3

Ṅ, a b'a nda' yi bèn mbe yàm ngabloṅ mba ngayôg àm, yàm mà neta ndàlem. Me ke nsi zi tiag tshàm.

Netume 10:3

Mosé bo Aron tsho ndà Faraon ntshob yi ndù: Tshù mba Tshùaben Nsi ba Héber tshob li: O nsi ke gha nefà wul o nsi mbwe àm tà nèn kum à ndùke? Faṅ yàm nzwit mèn a nèn mfa' me.

Tànkùt 18:5

A ke' bwô nebe tomte ngatshùagntù ntù' biagte ze nu mèn netsin ntùm kame.

Ezékia 45:9

Tshùaben Nsi tshob ndù: A ku' ndùlala me fenfen Israél! Bin tsin nefètte lem bo neyi. Bin ghù nu ndaṅndaṅ bo nunetsine. Bin kag yàm nzwit mèn, kà bin neyab nge'. A b'a Tshùaben Nsi bèn ntshob ndùlala.

Lévitiko 19:15

O ke nsi fàn nu ntùm tsho nesa' kame. Kà lôte mba mbwoṅ be yi là, ke kabte mèn ndùb, là o nsi sa' kam mèn a ghebte mbaṅ o l'a ntùm netsine.

Matio 17:17

Là Yésu bùnte, ntshob ndù: Zwiaṅ ba ke ghù bamntù mba ben neṅu'te, me nsi tswe bag à bin tà kum ngelaṅ ndùke? Me nsi fènte zin tà kum ngelaṅ ndùke?

Galatia 2:6

Mbe se' mba kum benntùn nà, ke bo na' mb'a ndùke mbwe lo, mb'a ke' ywimt'àm mo' ju, Nsi ke' be lôt'a num miag benntùn. Me tshob ndù kum benntùn lo ke bètt'àm sàm ju.

Nebwôgte 1:17

Kà bin lôte mba mèn be là ndùse bin tshwèt ntsho'te ntsha là. Bin ju' ze nze mônke' mba ze ndùb là; kà bin bwôg sàm mènntùn, nummbe netsho'te fe a Nsi. A be ze bin yen ndù mo' nu ta neshu là, mb'a bwô ndù bin lo' nse' yi mbwe àm me ju'u.