Yobkwi 80:2 - NTSHOB NSI

² (Pisito) ngabéb Israél, kù' ntoṅ nju'u. Wù z'o be ntshagte Yosèf mba bwoṅ nyàm nà, ṅwag ntùm nkuni mu, wù z'o tswe num ba kérubim nà.

Yobkwi 80:2 Iomraidhean Croise

1 Fenfen 8:6

Ghale'te Nsi ket Koṅ Kàn Tshùaben njab num ze dù', ntùm dù' nelàn mum ndà, ntùm dù' nelàn ntshùate, bam mbàb ba kérubim.

2 Fenfen 19:15

nde't'é ntshob yi ndù: Tshùaben Nsi Israél, wù z'o tswe num ba kérubim nà! A b'a wù bèn mbe Nsi njoṅ nufen fa ts'a num nsitsha' l'a. A b'a wù bèn nabte kamànyam bo tsha'a.

Yobkwi 35:23

Lo nsi, lo nsi ngù nunetsin me! Nsi àm mba Tshùaben àm, tshèt njam àm.

Yobkwi 50:2

Nsi tsin mà Sion, dù' z'a bwô miagte là, nke nziage.

Yobkwi 78:38

Mba ndùlala, a nke ndagte nukebwô yub mum kondèn i njoṅ ndù fa, ke bagte yube. A nke ntshùb yantù i ngelaṅ yàme, ke lo' njoṅ tshùagntù i fa nèn yi mbwe.

Yobkwi 99:1

Tshùaben tshwèt nsa' njù, benntùn nke mvètte; a tswe num ba kérubim, tsha' nke nyi'te.

Netume 25:22

Bag wù nsi ke bumt'a bwe, me nsi ke tsin à num kabte Koṅ netèt ba kérubim tse bo be num Koṅ Kàn nà, kà tshob tshu ts'a bwô ndù ba Israél ke ngù là wù.

Esaya 25:9

Bo nsi tshob num sen lé'njù là ndù: A b'a Nsi ze be yab ntù num i là, a b'a yi bèn nke njôg be. A b'a Tshùaben ze be yab ntù num i là; a bwô ndù be ṅwate, ntsiaṅte num yôg s'a fe yi là.

Esaya 33:22

Ṅ, Tshùaben b'a ze be ngasa'kame, Tshùaben b'a ze be ngafà ntshù', mbe ze be mfen; a kua' yi nsi bèn yôg be.

1 Samuél 4:4

Ngô tum benntùn Silo bo nèn nket Koṅ Kàn Tshùaben tàndà ntsho z'a tswe netèt ba kérubim nà. Tse nshum Eli bàa Ofni bo Finéas lo be bwe, boa Koṅ kàn Tshùaben Nsi.