Yobkwi 80:13 - NTSHOB NSI

¹³ Numk'o nkebte kàb tse, mba zit ntshùanze lo nke mfôg nkùa à?

Yobkwi 80:13 Iomraidhean Croise

2 Fenfen 17:20

Tshùaben ghua' njoṅ nzwit Israél fa, a tam tuswe tu bo, a swèn yub mum mbu ba fimntshu, mbe miagte nta' yub num miag mi ntshag ngùanesà.

Yobkwi 89:42

Njoṅ ghatshùanze fa be mbagte dù'. A tù' b'a ju tshabte mbwe ba ndùla' tse.

Esaya 5:5

Ndonni m'a' soṅ zin ju ze me ghù num tù ndu' sàm nà. M'a' tsho' kàb, ba nyàm fèl i; m'a' sate nkum mba', bo nyiaṅt'é nku.

Yérémia 4:7

Ngwayit tum ntùm ngab i; ngasate ngôngô tam manze; a tum ntùm dù'ntswe i num nesate ngô o z'a b'a kônkwa là. Benntùn ke nsi bèn be ntùm ntusô mu mi bo sate là.

Yérémia 5:6

A ndùlala, ngwayit fèn be nzwite yube, mbù tshwèt z'a kônkwa là nke mbiagte yube. Nzwimàntô be nkab ntshu ntusô mub nke nya' yube. Nzwi nsi sé'te mba we lo z'a nsi tum bwe là. Nummbe mfànnu mub gha' mbu, yub tatu ke njàm nèn à be mbwe.

Yérémia 51:34

Yérusalém tshob ndù: Nébukanetsar mfen Babilon lo fél àm nsat'àm. A lo lo' àm ngù kab ze ju ke ntùm bwe là yi. A lo mi àm mba ta' ngamnyu là a lo ghù ju tanjoṅ ze me ghù là dun bam i. A lo ta' àm.

Yérémia 52:7

Ndùlala ba Kaldéa to ta' fa tusô, njoṅ ba soyé fa tum nkù, ntum tusô tèttswe' ntshùa manze nzendà z'a be netèt nkummba' mbàa mi a be mbaṅ nka' mfen nà; a lo be be ndù ba Kaldéa lam tusô mbume. Ghakùla' tshùb manze z'a nèn tômbo' là.

Ezékia 19:12

Là, mo' neta fetmbaṅ tshùa ntsho' i ma' nsi, nyam tum bwe, ntàm mi jum. Neta nkaṅ mi be'te, njume, mbwôg kù njoṅ i fa.

Nahum 2:3

nummbe Tshùaben bèn nte ghamte Yakob mba ghamte Israél. Nummbe ghalagte dù' lo lagte yube, mbiagte nkùa tshobe.