Yobkwi 8:2 - NTSHOB NSI

² Tshùaben Nsi yag, lén so b'a se nekuni num njoṅ nsitsha'a fa! O yab nkuni mu mfe kamànyam.

Yobkwi 8:2 Iomraidhean Croise

Yobkwi 148:13

A bwô ndù bo ghamte lén Tshùaben, nummbe nda' lén se bèn nèn tù. Nkuni mi nèn tù ntshùa tsha' mba kamànyam.

Yobkwi 4:4

Bin lèn ndù Tshùaben tsho' ta' ngabam i. Tshùaben be nju' nz'àm ngelaṅ ze me kua' ntsiaṅ i là.

Yobkwi 44:16

Yàm tuswe ke mb'a mbwe àm njoṅ ndù fa. Tuswe kut se àm,

Yobkwi 46:10

A ghù ntsho tsin tà nèn nkum num ntôgnjù. A be' ngoṅkét, mbe' kô. A ton nkalig ntsho ntùm mbwôge.

Yobkwi 57:6

O Nsi, sate wul o mfe kamànyam! A bwô ndù nkuni mu be num njoṅ nsitsha' fa!

Netume 11:7

Là la' nsi b'a tshaṅ ze bag bon Israél; mba nda' mbù ke nsi bàb mènntùn ke nyàm no, ndùlala bin lèn ndù Tshùaben num ngù tôte netèt ba Egipto boa ba Israél.

Netume 15:16

Bwôg bo nge' lo kab mbu num bo. Neta bu o lo ghom yub bwôg, tà nkum ndùse yu nzwit mèn tshùa là me Tshùaben, tà nkum ndùse nzwit z'o na' ntshu' yub tshùa là.

Esaya 40:31

Là, ben tse bo yab ntù num Tshùaben nà tshwèt njen neta yub nkwi'te. Bo tshwèt mfùt mba ghammàtat là; bo be nkù nde ke bot, nke nzine, neta ke bwoṅ bo.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Amos 5:9

A be ngù la' ben neta vù fam, mbèn nsa mba mba' mub mi neta.

Habakuk 2:20

Tshùaben b'a ntùm ndà i ze nelàne, a bwô ndù njoṅ njù fa tswe ndù kam mbwe i.

Matio 11:25

Num yen ngelaṅ nà, Yésu tshob men ntshob li ndù: Me nyàmt'o me Tà, Tshùaben ba mfe kamànyam mba ba mànsi, wù z'o lem tshen nu li num miag ghazenu boa ghakwanu, nda'te be nda' bônke' là.

Matio 21:16

ntshob yi ndù: O ju' ju ze bo tshwèt ntshob là ké? Là Yésu tshob bo ndù: Ṅ, bin ke' yoṅ nsiaṅ ndù: O yab yobkwi se bo nsi ghamt'o yi là num ntshu bônke' mba bonfi ké?

Lukas 10:21

Be num yen ngelaṅ nà, Ywèt Nelàn ghù Yésu dun tsiaṅte, ntshob ndù: Me nyàmt'o me Tà, Tshùaben kamànyam mba nsitsha', wù z'o lem tshen nu li num miag ghazenu boa ben neta, nda't'a be nda' bônke' là. A b'a ndùlala me Tà, nummbe o yen ntùm yu nekô ndù à bwô ndùlala.

1 Korintô 1:27

Là Nsi lo tsho' tshu bà ts'a b'a tse njù là, ndù a ma' tuswe yi tu ghazenu; Nsi lo tsho' tshu nebot ts'a b'a tse njù là, ndù a ma' tuswe yi tu tse neta.

1 Samuél 2:9

a nsi ke béb nku ben ts'a num nkô yub là, là, a nsi biagte ghatshùagntù ntùm njame. Nummb'a ke b'a neta bèn ghù mènntùn yob ngu'u.