Yobkwi 8:1 - NTSHOB NSI

¹ Ntshagte yobkwi. Num loṅe. Yobkwi David.

Yobkwi 8:1 Iomraidhean Croise

1 Fenfen 8:27

A b'a kua' nenùn ndù be Nsi tswe num nsitsha' ké? Tshù là, kamànyam, njoṅ kamànyam fa kag num o, kà njôg mbe se' num yen ba' li ze me kut là!

Yobkwi 145:1

Yobkwi David. Nsi àm, mbe mfen àm, me nsi nyàmt'o. Me nsi ghamt'o njoṅ ndù, ghamt'o matmat.

Yobkwi 148:13

A bwô ndù bo ghamte lén Tshùaben, nummbe nda' lén se bèn nèn tù. Nkuni mi nèn tù ntshùa tsha' mba kamànyam.

Yobkwi 36:5

A be nô kunndà i nke nkwat'a nuketsin. A ke ntsin à be num manze z'a ke' bwô là.

Yobkwi 57:5

Tu wul àm, me nô netèt ngwayit tse bo tshwèt mfèt bon Adam nà. Nsô mub b'a nkô boa nkét. Lém sob b'a ṅwi ze bo kùa là.

Yobkwi 63:1

Yobkwi David. Ngelaṅ z'a be num kônkwa Yuda là.

Yobkwi 68:4

Là, ben netsin be ntsiaṅte, nke ntshùa ntsho mbwe Nsi, ṅwate nke ndo' yub nèn yi.

Yobkwi 8:9

bon nsaṅ mfe kamànyam mba ngontse tse bo ntùm dibantse là, nyàm tse bo be nzinte ntùm ba ntse là.

Yobkwi 81:1

Ntshagte yobkwi, num loṅe, yobkwi Asaf.

Yobkwi 84:1

Ntshagte yobkwi; num Gat. Yobkwi bon Koré.

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Nkwi Nkwi 5:16

Ntshu i dun mbétni, njoṅ wul i fa dun batte. Ngonngon Yérusalém, tshù mba nshun àm be là, tshù mba kôntù àm be là.

Esaya 26:13

Tshùaben Nsi yag, tsemo' tàfa' mba tu wul o là lo tô yage. Là, bag ke ntsiaṅ lén so mb'a tshùa nda' njam kondèn o.

Habakuk 3:3

Nsi fe Téman nse'e, Nsi Mèn nelàn fe num mbat Paran nse'e! Nkuni mi kabte kamànyam, nkuni mi dun num nsitsha'a.

Matio 22:45

Mba David tsiaṅ i Tshùaben nà, be a bèn mbe mén i à ndùke?

Yohané 20:28

Tomas bùnte ntshob yi ndù: Tshùaben àm mba Nsi àm!

Efésô 4:10

Mèn z'a na' nswe' là, a be yi bèn nko' nèn tà mfe kamànyam, ndùlala ndù a dunte njoṅ tshu fa.

Nebwôgte 28:58

Tshùbe, nke nze njoṅ ntshob yen ntshù' li mi bo kite ntùm yen ṅwa'ni li là, ndo' nke ngamte kuni lén, lén nekuni Tshùaben Nsi o yi.

Filipi 3:8

Kua' nenùne, me lo' njoṅ i fa mba bi là num nelèn Kristô Yésu Tshùaben àm z'a tshùate là; me lo bi njoṅ i fa num i, me num ndo' njoṅ i fa mba ju neghua' là, ndù me ghù Kristô;

Héber 7:26

Yen ni b'a lèn ngale'te Nsi ze ndùb ze be ke nkô là, mèn nelàne, ke lèn nukebwô, kelo'; mèn ze bo fagt'é num ghaghù nukebwô, a nèn tù ntshùa kamànyam nà;

Apokalipse 19:6

Me ju' mo' nze mba tshu'te bwoṅ benntùn nà, mba tshu'te ntse ndùb là, mba tshu'te mfambaṅ neta là, a tshob ndù: Aléluya, nummbe Tshùaben Nsi yag, ngatô njù, lo à be mfen.