Yobkwi 79:9 - NTSHOB NSI

⁹ Nsi ngayôg yag, ywimte yag num ghamte lén so! Tshu' yage, ndagte nukebwô tshag num nu lén so!

Yobkwi 79:9 Iomraidhean Croise

2 Kronika 14:11

Tshùaben lab ba Etiopia mbwe Asa bo Yuda, ba Etiopia kù nène.

Yobkwi 115:1

Tshùaben, fà ghamt'â num lén so, ke b'a num bag, k'a b'a num bag, là num kondèn o mba num nenùn o.

Yobkwi 25:11

O! Tshùaben, o tshùa num lén so, kà ndagte mfànnu màm, nummb'a ghu' neshu.

Yobkwi 31:3

Ben toṅ o num àm! Nànte njwimt'àm. Be ngabloṅ z'a be ntshètt'àm nà. Be yàm ndàlem, dù' ze me be mfon yôg sàm nà.

Yobkwi 65:3

Wù z'o be nju' le'te là, njoṅ benntùn fa nsi se' tèl o.

Esaya 43:25

A b'a me, a kua' me bèn nke mbwete nukebwô tsho, num nkôni lén sàm. Me ke nsi bèn kwimte nukebwô tsho.

Esaya 48:9

Me tshùb yantù àm num nu lén sàm. Me kabte yantù àm num nu nkuni màm, ndùlala ndù kà me biagt'o.

Yérémia 14:21

Ghù nku'ni num lén so, kà ghua' yage. Kà so tuswe tu diaṅkwa so se nekuni z'a b'a Sion nà. Kà bagte kàn se bag bin na' ngwat là, nkwimte sen kàn nà.

Yérémia 14:7

Tshùaben, a be ze mfànnu mag te mbit yag là, o tshùa njam lén so ngù mb'o lèn. Nummbe nukebwô tshag yàm neshu, mbe ndù bag ghù nukebwô num miag mu.

Ezékia 20:14

Mba tà ndùlala, me lo tshùa njam lén sàm mbom ndàm mube, ndù kà bo lo' yub mba ju banban nà num miag ngô tse me na' nsô yub Egipto mbwe bo là.

Ezékia 20:44

Bin nsi lèn ndù me b'a Tshùaben ndùse me nsi tshùa njam lén sàm bom ndàm mine, ke ghù a ndaṅndaṅ mba mat zin ze kebwô boa ngùninu min mi nebag be yi là, me tunndà Israél. Tshùaben Nsi bèn ntshob ndùlala.

Ezékia 20:9

Mba tà ndùlala, me lo tshùa njam lén sàm mbom ndàm mube, ndù kà bo lo' yub mba ju banban nà netèt ntumntum tse bo be ntùm bwe là. Nummbe me lo sô yub mum ngô Egipto num miag tshen ntumntum nà.

Daniel 9:19

Tshùaben ju'u! Tshùaben lagte bag, Tshùaben kù' ntoṅ, ghù ndende, ke ghubte. Nsi àm, ghù ndùlala num nkôni tu wul o, nummbe bo be ntsiaṅ lén so mum ngô o mba netèt yu nzwit mèn.

Daniel 9:9

Tshùaben Nsi yag, kondèn bo lagte tù' lôt'a nda' wù, nummbe bag lèn ndù bag ta tu wù.

Malashi 2:2

A be ze bin ke' ju', ke yab yen nu là ntù bin, ndù bin nsi fà ghamte num lén sàm nà, mba me nsi kag ndon num bin, so ndon num kàn sine, ṅ, me nsi so ndon num i, Tshùaben tàndà ntsho bèn ntshobe.

Efésô 1:6

bag nyàmte nkuni kondèn i z'a fà be num ngankôni i là.

Yoshua 7:9

Njoṅ ba Kanaan fa boa ba ntùm ngô nsi ju' yen nu là; bo a' lam yag mbume, mbiagte lén sag num nsitsha'a. A be ndùlala mb'o nsi ghù à ndùke num lén so se ndùb à?