Yobkwi 79:8 - NTSHOB NSI

⁸ Kà bèn nekwimte nukebwô tà njam tshage! A bwô ndù kondèn o se' mbwe bag ndende. Nummbe bag b'a kua' ghayennge'.

Yobkwi 79:8 Iomraidhean Croise

Neto'te 15:16

A nsi be tôg zwiaṅ benntùn kuà nzwil o bèn mbèn njam nsen ni; nummbe mfànnu ba Amor ke' yoṅ ndun me lo nsi num bo.

1 Fenfen 17:18

Mènnzwi là tshob Elia ndù: A ze be nu ke mèn Nsi? O se' ndà àm à ndù Nsi kwimte mfànnu màm, mén àm kwù ké?

Yobkwi 106:43

A tshu' yub ngelaṅ yàme, là tu wut tshob be ghatatu num ntag mi, nke ntaṅ nga mbwe mum nukebwô yub!

Yobkwi 116:6

Tshùaben be ntshètte njam ben nke'nke'e. Me lo be mèn nebole, a ywimt'àm.

Yobkwi 130:3

Tshùaben, o lo nke nte lag num nukebwô mba we z'a ku'ni neyôg à Tshùaben?

Yobkwi 142:6

Tshùaben, me lo kua' wù ntshob ndù: o bèn mbe yàm ndàlem, yàm bag i ze me ghù mum njù benntùn nà!

Yobkwi 21:3

O fà ju ze ntù i ke nkô là yi, ke bèn nga ju ze nkub ntshu mi bètte là.

Yobkwi 25:7

Kà te lag num tshàm nukebwô lé'njù nshum, ke màm mfànnu lo. O Tshùaben, kwimt'àm nda' num kondèn o, mba num bwôntù o.

Netume 32:34

Ndonni, nène, ndo' ngô nèn yi dù' ze me na' ntshob wù là. A b'a Angél àm bèn zin mbwe o. Là, me nsi naṅ ntsha tu bo num lé'njù yagte mba'a, mb'a num nukebwô yub.

Esaya 64:9

Yôg njen mba ntusô mag mi nelàn fa tù' kônkwa. Sion tù' à kua' kônkwa, Yérusalém tù' à fam.

Ezékia 2:3

A tshob me ndù: Mén mèn, me tum o mbaṅ bon Israél, mbaṅ ghatatu tse bo ta tu me là. Bo boa tà tshob lo ghù nukebwô tà nse' nkum sènni.

Daniel 9:16

Tshùaben, tshùa njam kondèn o ze ndùb, nsô yantù o bo tshùagntù o mum ngô Yérusalém, mba num mbal o ze nelàne. Nummb'a tshùa njam nukebwô mba mfànnu tà tshag Yérusalém bo yu nzwit mèn tù' ju tuswe num miag ben tse bo diaṅ yag mbum nà.

ṄWA'NI OSÉ 8:13

Bo num nkô nezwite ba nyàm nde't'àm yi, nummbe bo kô nefèt mbàb yub. Là, Tshùaben ke' bam tshen tshu là; ndonni a kwimte mfànnu mube, a naṅ ntsha tu bo num nukebwô tshobe. Mba bo là, me nsi ghù ndù bo bèn njam mà Egipto.

ṄWA'NI OSÉ 9:9

Bo nèn tà nkum ntùm tun nukebwô mb'a na' mbe num tse lé'njù Guibéa là; Nsi kwimte mfànnu mube. A nsi naṅ ntsha tu bo num nukebwô tshobe.

Nebwôgte 28:43

Ngùn z'a be netèl o là nsi zin tshùa o, tu wul o ke nkôg yu a be nekôg nèn nsi.

Apokalipse 18:5

Nummbe nukebwô tse kùmte kà nko' nkum kamànyam, Nsi kwimte nuketsin tse.