Yobkwi 79:4 - NTSHOB NSI

⁴ Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà.

Yobkwi 79:4 Iomraidhean Croise

1 Fenfen 9:7

mba me nsi biagte Israél ntùm ngô ze me na' mfà yi là, ngua' ba' ze me te lén sàm bwe tà ngùanesà, Israél tù' à tshô tuswe bo tunu zwi netèt ngôngô.

Néhémi 1:3

Bo bùnte me ndù: Ben tse bo fe ndà kuan nà b'a ntùm ta' taṅ ngô, ntùm nge' ndùb mba ntùm tuswe; kàbngô ts'a Yérusalém nà vùte nsi fa, bo bèn nton nzendà tse fa.

Néhémi 2:19

Sanballat ze Horon, Tobiya, ngafa' ze Ammon bo Guéshem ze Arab, be ju' yen tshô là, nzwi tshobe, ntshabte mbèn ngwag yage, ntshob ndù: Bin ghù à ke l'à? Bin diag neghù à tatu mfen ké?

Yobkwi 80:6

O be nkém yub bàn ntsenyà. O be ngù bo nu ntsenyà k'a tshùa yube.

Yobkwi 89:41

O lo bagte kàb tse, ngù njoṅ tse dù' lem fa tù' fam.

Esaya 43:28

Tsho ghatshagte Ndà Nsi lo bagte dù' àm ze nelàne, ngù a tù' ju banban. Ndùlala me tam mbèt mvèn Yakob, ngù Israél tù' ju netute.

Yérémia 24:9

Me nsi ghù bo tù' tunu fétwut, tunu nge' num njoṅ nufen fa num nsitsha'a. Bo nsi tù' b'a ju tuswe, tshô, komzwi bo ndon njoṅ dù' fa ze me nsi sate yub bwe là.

Yérémia 25:18

A na' mb'a Yérusalém boa ntusô Yuda, fenfen tshob boa kamkam tshobe, num neghù bo tù' fam, ta' kônkwa ze mèn nsi be yen tôte fin nà. A b'a ta' mfi' nelo' nkwimte ba ndon yi, mba bo num nke' njen mba tà sènni là.

Yérémia 42:18

Nummbe tshù mba Tshùaben tàndà ntsho, Nsi Israél tshob li: Ndaṅndaṅ mba yantù àm bo tshùagntù àm na' nkam nsa num ba Yérusalém nà, be ndaṅndaṅ tshùagntù àm nsi kam sa num bin, a be ze bin nèn Egipto là. Bin nsi tù' nu fétwut, nu bwôg, nu neso ndon bo nu tuswe, be ke bèn nzi njen dù' li lag sine.

Yérémia 51:51

Tuswe lo ko yag ndùse bag ke nju' tute là, tuswe lo ke mfim se tshag ndùse ba tum se' ntsho dù' nelàn ntùm ndà Tshùaben nà.

Nsindàvù 1:11

Njoṅ ze nzwit mèn fa tshwèt ntsham zwe, nke ndiag jujù. Bo fà tshu tanjoṅ tse bo ghù là num jujù, ndù a tshùa ndùlala neta bèn mbe bo. Tshùaben, lôte njen mba me tù' ju banban njene!

Nsindàvù 5:1

Tshùaben, kwimte nu z'a tsho yag là! Lôte njen mba tuswe ko yag njene!

Ezékia 22:5

Ben tse bo be nesà mba tse bo ghebte là nsi tshabt'o, wù ngô nesagte, ze ntùm la' so ke' tswe fite là.

Ezékia 35:12

O nsi lèn ndù me Tshùaben lo ju' njoṅ tshabte fa ts'o tshabte tse mbat Israél yi nke ntshob ndù: Bo sate ba mbale, bo fà yub bag ndù bag mi yube là.

Ezékia 36:15

Me ke nsi bèn ghù ngôngô ke ntshabte, tuswe ke nsi bèn ko o mbwe ntumntum, o ke nsi bèn zwite bon yu ngô. A b'a Tshùaben Nsi bèn ntshobe.

Ezékia 36:3

Tshob ntshob ngatshob ntshob Nsi ndù: Tshù ju ze Tshùaben Nsi tshob li: Mba benntùn fe bag bag ntsho' ngwù num bin sate zine, ndù bin tù' ju tsemo' ngôngô là, mba bo tshwèt ntsin tsham num tu bin, mba ngôngô tshwèt ngù ndàm num bin nà,

Daniel 9:16

Tshùaben, tshùa njam kondèn o ze ndùb, nsô yantù o bo tshùagntù o mum ngô Yérusalém, mba num mbal o ze nelàne. Nummb'a tshùa njam nukebwô mba mfànnu tà tshag Yérusalém bo yu nzwit mèn tù' ju tuswe num miag ben tse bo diaṅ yag mbum nà.

Sofoni 3:18

Me nsi kùmte ben tse bo tswe nenywine, mbe nesà num njùa mi ndùbndùb là, ben tse bo tum netèl o là. Tuswe tshwèt ndèt yube.

Sakaria 8:13

Ndaṅndaṅ, bin tunndà Yuda mba tunndà Israél na' mbe ndon netèt ngôngô là, be ndaṅndaṅ me nsi yôg zine, ndù bin tù' ghambotni. Kà bin bwôg, bin so neta mum mbu mine.

Nebwôgte 28:37

O nsi tù' tunu fétwut, nu tshô bo nu komzwi netèt ngô tse Tshùaben nsi lo' o nèn yi bwe là.