Yobkwi 79:3 - NTSHOB NSI

³ Bo fètte lem tshob mba ntse là, ndiaṅ Yérusalém yi mbume. Sàm mèn lo ke be z'a tshoṅ yub là.

Yobkwi 79:3 Iomraidhean Croise

Yobkwi 141:7

Mvôg mub nsi sate mbu' ngô fe ben mba ngelaṅ bo tshwèt ndù' tsha'a, nke ntshu' i ntu'ntu' là.

Yobkwi 79:10

Be ba tum tshob ndù: Nsi yub b'a yà numke? A bwô ndù bo lèn mbwe bag, netèt ba tum, ndù o yagte mba' lem ghafa' tsho, lem tse bo na' mfètte là!

Yérémia 14:16

Bo nsi ma' fe ben tse bo tshob nu bo là num manze ts'a Yérusalém nà, ndù ṅwi bo nziku' bèn nzwite yube. Sàm mèn ke nsi tum z'a tshoṅ yub là, bo, zwi tshobe, nshumnshum tshob boa ngonngon tshobe. Nummbe me nsi ghù nukebwô ze bo ghù là vù num tu wut tshobe.

Yérémia 15:3

Tshùaben tshob ndù: Me nsi fà nge' bo kuà: ṅwi num newatte yube; mbù num nesoṅ yub nsi; nsaṅ boa nyàm ts'a num tsha' là, num nefèt yub bo nesé'te yube.

Yérémia 16:4

Ba ngokèt nsi zwite yube, bo be ke làn yube, ke tshoṅ yube. Bo nsi sate num tsha' mba nenà netshab dù' yi là; bo nsi lo' ṅwi biagte yub yi; nziku' biagte yube; fe tshob nsi be jujù nsaṅ kamànyam boa nyàm ts'a be num nsitsha' là.

Yérémia 25:33

Ben tse Tshùaben nsi zwite sen lé'njù là là, nsi vùte nsi, neto' mo' taṅ njù nèn nkum num mo'o; bo ke nsi làn yube, ke ket fe tshobe, ke tshoṅ yube. Bo nsi sa nsi mba nenà netshab dù' yi là.

Yérémia 34:20

Me nsi swèn yub ntùm mbu ghakeban tshobe, ntùm mbu ben tse bo tshwèt nya' tu yub là. Fe tshob nsi be jujù nsaṅ mi a mfe kamànyam nà boa nyàm tse bo nsitsha' là.

Sofoni 1:17

Me nsi ma' benntùn ntùm nge', bo ke nzin mba ba mfùmiag là, nummbe bo ghù nukebwô num Tshùaben; me nsi sate lem tshob mba mbab là, sate mbàb yub mba nenà nsindà là.

Matio 23:35

ndù lem ben netsin tse bo fètte num nsitsha' là tsho tu bin, fe num lem Abél mèn netsine, tà nèn nkum num lem Sakaria mén Bàrakia, ze bin na' nzwi i netèt Ndà Nsi mba tômbwôg nele'te Nsi là.

Roma 8:36

Ndaṅndaṅ mba bo kite ndù: Bo num nzwi yag njoṅ lé'njù fa num o, bo lo' yag mba njùmbwe tse bo zwi yub là.

Apokalipse 11:9

Benntùn, ntùm nzwit, ntùm tunndà, ntùm ntshobe, ba ntùm ngô nsi yen fe tshob mum lé'njù tat kam, bo ke nsi bam ndù bo yab fe tshob ntùm fi.

Apokalipse 16:6

nummbe bo lo fètte lem ben nelàn mba ghatshob ntshob Nsi, o fà lem bo ndù bo nu, boku'ni.

Apokalipse 17:6

Me yen mènnzwi là ndù a bum lem ben nelàn mba lem ghakwénta Yésu. Me be yen i, ntshàm neshu.

Apokalipse 18:24

bo lo yen lem ghatshob ntshob Nsi mba ben nelàne, mba lem njoṅ benntùn fa tse bo sete tô tshob num nsitsha' là, netèl i.