Yobkwi 79:1 - NTSHOB NSI

¹ Yobkwi Asaf. O Nsi! Ba tum lo' ntsi' mu. Bo bagte ndà o ze nelàne. Bo lo' Yérusalém ngù fèt ndoṅ yi.

Yobkwi 79:1 Iomraidhean Croise

2 Fenfen 24:13

A sô njoṅ tshunkàb ndà Tshùaben boa tshunkàb ndà mfen fa; a tsit njoṅ tshundà gol fa tse Salomon mfen Israél na' njabte ntùm ndà Tshùaben nà, a ghù à ndaṅndaṅ mba Tshùaben na' ntshob là.

2 Kronika 36:17

Ndùlala Tshùaben ghù mfen ba Kaldéa ko' nse' num bo, ndo' ṅwi ngwatte ghuan benntùn yi ntùm ndà yub dù' nelàne. A ke faṅ sàm ménnshum ke ménngon no, njwèn mèn ke mèn ze tu i fôg lo. Tshùaben swèn yub fa ntùm mbu mi.

2 Kronika 36:19

Bo ton ba' Nsi, nsate ba kàbngô Yérusalém, nton mba' fa mi a be ntshwèt là boa njoṅ tshu ntùn fa.

Yobkwi 50:1

Yobkwi. Se Asaf. Nsi neta, Nsi, Tshùaben tshob nu: A tsiaṅ njù, benntùn neto' fe bag ntumnyam nèn nkum bag mbinyam.

Yobkwi 78:71

a lo' i njam njùmbwe tse bon ke nyô yub là. Num neghù ndù a ke ntshagte Yakob; ze nzwit mèn, mba Israél z'a be ntsi' mi là.

Netume 15:17

O lo ghù bo tsho, o te yub num mbat z'a be ntsi' mu là. Tshùaben, o lo nabte yen dù' là num netswe bwe. Tshùaben, a b'a dù'ntswe nelàn ze mbu mu na' nabte là.

Esaya 47:6

Me lo ya ntù num yàm nzwit mèn. Me lo lo' ju ntsi' àm mba ju banban nà, me lo fà i mum mbu mu, o ma'ni i ke ko ndèn mi, njab yu lèt num njwèn mèn, a nke mfél i nsi.

Esaya 63:18

Nzwit mèn o ze nelàn be ntùm ngô à nda' num metsit ngelaṅ; ghakeban tshag nyiaṅte dù' o ze nelàn nku.

Yérémia 26:18

Mika ze Moréshet lo ke ntshob ntshob Nsi num ze ngelaṅ Ezékia, mfen Yuda, nke ntshob ngô Yuda ndù: Tshù mba Tshùaben tàndà ntsho tshob li: Bo nsi dù' Sion mba ta' nà là. Yérusalém nsi tù' à ta' fèt ndoṅ. Mbat ndà Tshùaben nsi tù' neta fèn.

Yérémia 39:8

Ba Kaldéa ton ba' mfen, nton mba' ngô, nsate njoṅ kàbngô Yérusalém fa.

Yérémia 51:51

Tuswe lo ko yag ndùse bag ke nju' tute là, tuswe lo ke mfim se tshag ndùse ba tum se' ntsho dù' nelàn ntùm ndà Tshùaben nà.

Yérémia 52:13

A ton ba' Tshùaben, ba' mfen, boa njoṅ mba' fa mi a be Yérusalém nà. A ton bon mba' ntùn fa mi a be bwe là.

Nsindàvù 1:10

Ngafétt'é nyit bu i num mba zit ju lo, z'a be ze tanjoṅ yi là. A yen ba tum nke ntsho ntùm dù' i ze nelàne, mb'a ba tum ts'o na' ntshù' ndù kà bo te ku ntùm yu mbumte là.

Ezékia 9:7

A tshob bo ndù: Bin sagte ndà àm, ngù fe ben dun bam ntshundà! Bin tume. Bo tum ntshu'te njoṅ i fa mum ngô.

Mika 3:12

Là, a nsi tshùa num tu bin Sion tù' nà ze bo dù' là, Yérusalém tù' fam, mbat ndà Tshùaben nsi tù' fèn.

Lukas 21:24

Bo nsi vù num ntshùag ṅwi, bo lo' yub ngù kuan yi netèt ngôngô. Ghakelèn Nsi nsi nyiaṅte Yérusalém nku tà kum num ngelaṅ yub nemiagte nsi bumte là.

Apokalipse 11:2

Là mbe se' mba ntshundà ndà Nsi z'a njù là, faṅ i là, kà fi' i, nummbe bo lo fà i ghakelèn Nsi, bo nsi nyiaṅte ngô nelàn nku num maṅwù ntshob bàa ṅam nkuà.