Yobkwi 78:7 - NTSHOB NSI

⁷ Ndùlala ndù bo yab ntù yub num Nsi. ke lagte mfa' Nsi. Ndùlala ndù bo ze ntshù' mi.

Yobkwi 78:7 Iomraidhean Croise

Yobkwi 103:2

Ntù àm, ghamte Tshùaben, kà lagte sàm numebwô tse.

Yobkwi 105:45

Ndùlala ndù bo tshùb ntag mi, mbèn nke nze ntshù' mi! Aléluya! Ghamte be Tshùaben.

Yobkwi 105:5

Bin ke nkwimte mfa' nekuni mi a mfa' là, bin ke nkwimte tshu netshàm mba tsho'te ntsha ts'a tum ntshu i là,

Yobkwi 146:5

Mènfen b'a mèn ze ngaywimt'é b'a Nsi Yakob, ze ze nenywinte b'a num Tshùaben Nsi i là,

Yobkwi 40:4

A lo yab mo' yobkwi nswe ntshu àm, ghamte be Nsi yag. Ben yàm nsi yen i, bwôg tshùb njoṅ yub fa. Njoṅ yub fa nsi yab ntù num Tshùaben.

Yobkwi 62:5

Bo tsin tsham netèn i mfe num dù i z'a tà mfe tù là ma' nsi. Bo be ṅwate num tatte. Bo be njab kàn num ntshu bo, nke nso ndon ntù bo.

Yobkwi 91:14

Mb'a be nkô àm nà, me nsi tshu' i; me nsi tshètt'é mb'a lèn lén sàm nà.

1 Korintô 11:24

ngelaṅ a le'te Nsi là, a be't'é, ntshob ndù: Yen ni b'a wul àm ze me fà num bin nà. Bin ke ngù yen ni, nke nkwimt'àm yi.

Nebwôgte 4:9

Israél, nda' ndù zete num tu wul o, nzete kua' mebwô num ntù o njoṅ lé'njù fa ts'o ke' ntùn nà, mbwôg ndù k'o lag tshu tse miag mo yen nà, mba ndù kà tshen tshu là tum tu o; zi'te bon tsho boa bon bon tsho yi.

Nebwôgte 5:29

Wé, bo lo nke ngù a be lèn yen ntù là neke mbwôg àm yi mbèn nke nze njoṅ nkàn màm fa, mb'a be bo tswe mebwô matmat, bo mba bon tshobe!

Nebwôgte 6:12

mb'a bwô ndù o zete nelagte Tshùaben z'a na' nsô o ntùm ngô Egipto, ndà kuan nà.

Nebwôgte 6:21

Bag lo be kuan Faraon mà Egipto, Tshùaben lo' bu i ze neta nsô yag yi Egipto.

Nebwôgte 6:25

Be tù' ben netsine, a be ze be ke nze kua' men nkàn nà mbwe Tshùaben Nsi be kua' mb'a tshob be là.

Nebwôgte 8:11

Zete là nelag Tshùaben Nsi o, ke tshùb nkàn mi, ntag mi boa ntshù' mi, mi me kite wù sènni là.

Nebwôgte 8:2

Israél, kwimte manze fa ze Tshùaben Nsi o na' ngù o zin bwe num ngu'njù ṅam nkuà kônkwa là. A na' ngù ndùlal'a nelo' ndab o yi mfà nsi bo nelaṅt'o yi, ndèn mba ntù o be yi num i là, mba neyen mbe z'o nsi lé' nkàn mi ke nga lo là.

1 Pétro 1:21

bin tshùa njam i, mbam Nsi z'a bam i num vù, mfà nkuni yi là, ndùlala ndù bamntù zin mba zin nenywinte be num Nsi.

1 Yohané 5:3

Nummbe nkôni Nsi b'a ndù be ze ntshù' mi, ntshù' mi ke' lèt,

Apokalipse 14:12

Nefènte ben nelàn tse bo num nze ntshù' Nsi mba bamntù Yésu là b'a bwe.