Yobkwi 78:5 - NTSHOB NSI

⁵ A lo yab kwénta num Yakob. A lo yab ntshù' num Israél. Ntshob ba tà be ndù bo ke nkwimte bon tshob yi.

Yobkwi 78:5 Iomraidhean Croise

Neto'te 18:19

Nummbe me lo tsho' i, ndù a tshob bon tse tse bandum boa njoṅ tunndà i fa ndù bo tù' nke nzin num manz'àm, nke ngù nunetsin bo ze ndaṅndaṅ. A nsi tshùa ndùlala ju ze me Tshùaben na' mbù Abraham nà bumte.

Yobkwi 119:152

Me lo tshùa njam ntshù' mu ndèn fe mbwe ndù o yab ntshù' mu à matmat.

Yobkwi 147:19

A lo la'te ntshob mi Yakob, nda'te ntshù' mi mba nkàn mi Israél;

Yobkwi 19:7

A be ntum num mo' bag kamànyam, nèn miagte nde mi num mo' bag kamànyam. Be sàm ju ke le'te ndum mi.

Yobkwi 81:5

Nummb'a b'a ntshù' num Israél, ntshù' z'a fe Nsi Yakob là.

Netume 12:27

Bin nsi tshob bo ndù: A b'a jule'te num Pasa Tshùaben nummb'a lo tôg mba' bon Israél ntshùa, ndùs'a ke ndab ngô Egipto là, nkabte mag mba'. Ndùlala ngô vù nsi mbu' mbu mbwe Tshùaben.

Netume 25:16

O nsi yab ntafèt nsoṅ kàn mi me fà wù là ntùm Koṅ.

Netume 25:21

O nsi ghù bo kabte kabte Koṅ num Koṅ, yab ntafèt ndoṅ kàn mi me fà wù là ntùm Koṅ.

Netume 40:20

A ket Kàn njab ntùm Koṅ, njab ba mbwoṅ num Koṅ, njab kabte mfe num bwe.

Netume 40:3

O nsi te Koṅ Kàn ntùm bwe, lo' nzwe kabt'é yi.

Esaya 38:19

A b'a mènntùn, yen nà z'a ke' ntùn nà bèn nke nyàmt'o, mba tu wul àm tshwèt ngù sènni là. Tà be ngù bon tse lèn yu nenùne.

Esaya 8:20

Num ntshù' bo kwénta! A be ze bo ke ntshob ndùlala là, mb'a be mfôgnjù ke bèn mbe num ze tu ngô.

Roma 3:2

A yàm num njoṅ manze fa, mbwe i b'a ndù: Nsi lo lem ntshob mi à bo.

Efésô 6:4

Ba tà, kà bin kag yantù ntù bon tsine, là bin tshagte yub ntùm neju' ntshu mba ntùm ntag Tshùaben.

Nebwôgte 11:19

Bin tswite bon tsin yi, nsoṅ yub nu bwe. Israél, ndùs'o nsi be ndà o, be tshwèt nkatte, nô nsi zi mba ndùs'o nsi bam nà, tswite mbèn nsoṅ bon tsin nu bwe.

Nebwôgte 31:13

A nsi tshùa ndùlala bon tsho tse bo ke' to' ju' ntshù' Tshùaben Nsi o là ju'u, nzi'te neke mbwôg Tshùaben njoṅ ndù fa bo nsi tswe ntùm ngô z'o dut Yordan tsho bwe lo' là.

Nebwôgte 32:46

a tshob bo ndù: Bin yab ntù bin ndù bin nsi tswite bon tsin njoṅ ntshob yen ntshù' li me tshwèt ntagte zin num bwe sènni là, ndù bo tshùbe, mbèn nke nze.

Nebwôgte 4:45

Tshù ntage, ntshù' boa nkàn mi Mosé kite bon Israél ndùse bo tum Egipto li:

Nebwôgte 6:7

O nsi zi'te bon tsho yi, ke tshob nu bwe ndùs'o be ntùm ndà o là, ndùs'o tshwèt nkatte là, ndùs'o nô nsi là mba ndùs'o lo tù là.