Yobkwi 78:10 - NTSHOB NSI

¹⁰ Bo lo ke tshùb kàn Nsi. Nga nezin ndaṅndaṅ mba ntshù' i kô là.

Yobkwi 78:10 Iomraidhean Croise

Néhémi 9:17

bo gha neju' ntshu, ndagte numebwô tse netshàm ts'o ghù num bo là. Ntù tshob sag, bo ghom ta' mfen ntùm tatu yube, ndùlala ndù bo bèn ntsho ntùm kuan. Là tu wul o, o b'a Nsi z'a be mfùag wut nelagte mfànnu là, mbe ngatshàmndèn, ngakondèn, nke ndèt wut num yantù, ndù o ghù bwôntù ze ndùb; o lo ke ghua' yube;

Netume 16:28

Tshùaben tshob Mosé ndù: Bin nsi ke gha neze ntag màm boa ntshù' màm tà kum à ndùke?

Yérémia 31:32

Sen kàn nà ke nsi fute se me na' ngwat bag à tà tshobe, lé'njù me na' tshùb bu yube, nsô yub ntùm ngô Egipto là; bo lo bagte sen kàn nà, mba mba me na' mbe ngatshagte yub là; Tshùaben bèn ntshobe.

Ezékia 20:21

Là, bon ta tu me, ke ze ntshù' màm, ke ze nkàn màm, ke tshùb nkàn màm mi a bwô ndù benntùn ke nze kà njôg là. Nke ndo' Sabbat mba kua' ju banban nà. Ndùlala me kwate nelo' tshùagntù àm bo yantù àm ndo yi nsi num bo num kônkwa.

Nebwôgte 31:16

Tshùaben tshob Mosé ndù: Yen mb'o nsi nô netèt tà tsho. Nzwit mèn ni a' lo nsi, nkat boa tse nsi ba tum ntùm ngô z'a nsi tsho bwe là. A nsi ghua' àm, bagte kàn sàm se bag yi wat là.

Nebwôgte 31:20

Nummbe me nsi nèn yen nzwit mèn ni ntùm ngô me na' ntshob nsaṅlaṅ num bwe tà tse nefà yi là. Mbùn bo ṅwa' be nké nswe' ntùm yen ngô là, a nsi jù, ywèle, tshobte; yen ngelaṅ nà, a nsi tam njam tsemo' nsi, ke fa' bo, wag àm bèn bagte kàn sàm;