Yobkwi 77:2 - NTSHOB NSI

² Me be ntshag nz'àm tù, nkua' ntsiaṅ Nsi. Me be ntshag nz'àm tù. Nsi a' ju' me.

Yobkwi 77:2 Iomraidhean Croise

Neto'te 32:28

Mèn nà bèn ntshob ndù: Lén so ke nsi bèn b'a Yakob, bo nsi tù' ke tsiaṅ o à ndù Israél; nummb'o zwe zwe' bin Nsi mba benntùn, ntshùa yube.

Neto'te 37:35

Bon tse tse bandum boa tse bènnzwi se' mfite ntù i; l'a ke kô fitentù. A nke ntshob ndù: M'a' loṅ nshum àm tà nèn nkum mbaṅ i ntùm ngô fe ben. A nke ndàn nshum i.

2 Kronika 6:28

Ndùse kekua, keya', bangùa, mbé', ngamntàn nzebà nsi be ntùm ngô, ndùse ngakeban nsi lo' yu nzwit mèn mum ze ngô, tsho mum tse nsém, ndùse nge' yàm ke ngokèt lo nsi be là,

ṄWA'NI YOB 11:13

Mba wù là, lo' ntù o nèn yi mbaṅ Nsi, nyit mbu mu ntshag yi.

Yobkwi 18:6

Ndam vù lo lam, njwi' vù lo ghom àm.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Yobkwi 55:17

Tu wul àm, me be nkua' Nsi, Tshùaben nsi yôg àm.

Yobkwi 63:6

Ntù àm nsi jù jujù nzit mba ze ndùmte ywèle. Tshu'te tsiaṅte nsi tum num nkub ntshu màm ke ghamt'o.

Yobkwi 86:7

Me be ntsiaṅ lén so mum lé'njù nge' sàm. nummb'o be nju' àm.

Tànkùt 18:14

Ywèt mènntùn be ntomt'é ntùm ngokèt; là ywèt ts'a bot là, we z'a nsi bù't'é à?

Esaya 26:16

Tshùaben, bo lo diag o ndùse bo be ntùm nge' là; bo lo vùte nsi ntùm nele't'o ndùs'o na' naṅ ntsha tu bo là.

Esaya 26:9

Ntù àm num nkô o tèttswe', ywèt tshàm nke ndiag o kua' neshu. Nummb'a num be ndùs'o tshwèt ntsho'te njù ntsha là, ba ntùm njù nke nzi'te nunetsine.

Yérémia 31:15

Tshùaben bèn ntshob ndù: Bo tshwèt nju' nekua' nke mfe Rama. Nelàn vù bo netam keshù' mbimbi. Rashél ke ndàn à bon tse. A ke' bam ndù mèn fite ntù i num nu bon tse, nummbe bo ke' bèn mbe.

ṄWA'NI OSÉ 5:13

Efraim yen ngokèl i, Yuda yen keko' se; a ndùlala, Efraim nèn Asiria, ntum mèn mbaṅ mfen ndùb; là, yen mèn ni ke' ku'ni neyate zine, ke ku'ni netshwinte keko' sine.

ṄWA'NI OSÉ 6:1

Bin se' be bèn njam ntèt Tshùaben, nummb'a lo sé'te, là a yi bèn yate be; a be z'a lab be là, mb'a yi bèn kut mfaṅ num be.

Yohané 11:31

Ndùlala ba Yuda tse bo be boa Maria ntùm ndà, tse bo ke mfite ntù i là, be yen mb'a lo nsi ndende ntum nà, ntam njam i, nke nkwate ndù a nèn à tufi num nelàn bwe.

Héber 5:7

A lo be ntùm lé'njù mbàb wul i, a fà nde'te Nsi mba le'te boa nekua' neta mba ntsenyà mèn z'a ku'ni neyôg i num vù là, Nsi lo ju' le't'é', nsô i ntùm lab wut.