Yobkwi 76:6 - NTSHOB NSI

⁶ Ghatshùa ntsho tù' ntsha' ntsho. Bo vù miaglo. Njoṅ ben neta fa ke' bèn ngù ngù'.

Yobkwi 76:6 Iomraidhean Croise

2 Samuél 10:18

Là ba Siria kù mbwe ba Israél. David biagte ntshu ntsho z'a ghù nkalig nkù sammbàa boa ghako' nyàm ntsha' ṅam nkuà là; nzwi mba Shobak tàndà ntsho, k'a kwù à kua' dù' i.

2 Fenfen 19:35

Tshù, be num yen tèttswe' là, Angél Tshùaben ṅwag ntùm mbàn ba Asiria nzwite benntùn bwe ntsha' ntshob tàn ṅam fome. Njù be làn nda' fe ben tù' bèn ndo' dù'.

2 Kronika 32:21

Ndùlala Tshùaben tum ta' Angél, a biagte mbàn mfen Asiria, nzwite ba neta nduku, kamkam boa fenfen. Tuswe ko mfen, a bèn njam ntùm ze ngô. A tsho ntùm ndà ze nsi, ko' tse nshum wal i.

Yobkwi 104:7

O lo tshùag yub bo kù; bo lo bùn à nebùn ngelaṅ bo ju' nze fambaṅ so là.

Yobkwi 18:15

A ma' nkét mi, nsate ghakeban tshàm yi. A ghù beba' mbaṅ nke ntumte yàme, ndù a ghù bo kù nène.

Yobkwi 80:16

Tshètte ju ze bu o ze zwim bwe là, mba mén mandum z'o tsho' i là.

Netume 15:1

Ndùlala Mosé boa bon Israél yob sen kwi li Tshùaben ntshob ndù: Me nsi yob kwi fà Tshùaben, nummb'a ghù nkuni mi tswite wul i. A tèn nyàmdiaṅ boa ghako' nyàm naṅ ntùm dibantse.

Netume 15:10

Là ywèt ntshu tsho tshwèt ma' yub ntùm dibantse, bo nèn tun ntse mba tu' tùn nà, netèt mà dibantse ndùb.

Netume 15:21

Miriam yob kwi boa bo. Be yob kwi mfà Tshùaben, nummb'a la'te nkuni mi, tèn nyàmdiaṅ boa ghako' nyàm naṅ dibantse.

Esaya 37:36

Angél Tshùaben tum, nzwite benntùn ntùm mbàn ba Asiria ntsha' ntshob tàn bon fom nkù (185 000). Bo be lo nsi nkebnjù ntù' tèl à fe tshobe.

Yérémia 51:39

Ngelaṅ wut tshob nsi dum nà, me ghù bo nu; me nsi ghù bo bum ndu', mfà wut tshob ntùm ṅwate. Yen nà nsi be tôg bo tam miaglo matmat, nzi ke bèn nzi ndo. Tshùaben bèn ntshobe.

Yérémia 51:57

Me nsi ghù tse bon mfen boa tse ghazenu bum ndu', tse ngomna, tse kamkam boa tse soyé; bo nsi tam miaglo matmat, nzi ke bèn ndo. Mfen ze lén se be Tshùaben tàndà ntsho là bèn ntshobe.

Ezékia 39:20

Bin nsi fèt mbàb nyàmdiaṅ boa ze ghako' yub num téblé kà ywèle, fèt mbàb ba sa'nde' boa ze njoṅ ghama' ntsho fa. Tshùaben Nsi bèn ntshobe.

Nahum 1:6

We z'a nsi bù' tu nsi mbwe tshùagntù i à? We z'a nsi tsin tù mbwe tonkèt yantù i à? Tshùagntù i sa mba mbwôg là; ngondoṅ nke mbe'te mbwe i.

Nahum 2:13

Ngwayit lo ke nsé'te nyàm num bon tse, nke nyu' ntô nyàm num zwi tse; a lo ke naṅ nyàm ts'a zwite là ntùm ngab tse, nke naṅ mbàb ts'a sé'te là ntùm ntô tse.

Nahum 3:18

Mfen Asiria, tsho ghabéb mbwe tshwèt me' miaglo. Tsho tàndà ntsho tshwèt nzi, tsho ba la' sate num ba mbale, sàm mèn ke kùmte yube.

Sakaria 12:4

Tshùaben tshob ndù: Mum sen lé'njù là me nsi kag femni num njoṅ nyàmdiaṅ fa, ghù netshaṅ ke nshùm ghako' nyàm. Là, me nsi te lag num Yuda ndùse me nsi kag fù miag nyàmdiaṅ ntumntum nà.

1 Samuél 26:12

David lo' kô bo ntu' ntse z'a be tu kun Saulo là, ndo nène; sàm mèn ke yen yube, ke yen sàm ju, sàm mèn ke bam num miaglo, nummbe njoṅ yub fa lo zi ngô ntùm miaglo mi Tshùaben ma' yub ntùm bwe là.