Yobkwi 76:12 - NTSHOB NSI

¹² Bin ghù nka'ni Tshùaben, Nsi zin, mbèn nzwiagte tshen nka'ni là. A bwô ndù ben bo diaṅ i mbum nà fà ba nda' Nsi nekuni.

Yobkwi 76:12 Iomraidhean Croise

2 Kronika 32:21

Ndùlala Tshùaben tum ta' Angél, a biagte mbàn mfen Asiria, nzwite ba neta nduku, kamkam boa fenfen. Tuswe ko mfen, a bèn njam ntùm ze ngô. A tsho ntùm ndà ze nsi, ko' tse nshum wal i.

Yobkwi 2:10

Fenfen, ndonni bin ju'u, ghatsho'te ntsha ntùm njù, bin zi'te!

Yobkwi 2:5

Tshùaben tshob nu bo ntùm yantù i. A nyi'te yub ntùm tshùagntù i:

Yobkwi 47:2

Benntùn, njoṅ zin fa bu'te mbu Nsi. Bin fà nze tsin tù ntùm tsiaṅte.

Yobkwi 50:14

Ju ze b'o ghù Nsi là b'a nenyàmt'é, mbèn ngù ndù yu nka'ni z'o ghù Nsi z'a tà mfe tù là bumte.

Yobkwi 68:12

Tshùaben tshob ta' ntshobe, ghantum nkùn mebwô tù' mà ntshu ntsho ndùb.

Yobkwi 68:35

Bin fà ghamte Nsi! Nkuni mi b'a num Israél, neta i be mfe kamànyam.

Esaya 24:21

Tshùaben nsi naṅ ntsha tu ntshu ntsho mfe kamànyam, naṅ ntsha tu fenfen nsitsha' num yen ngelaṅ nà.

Lévitiko 23:38

Bo ke' tùnte ba Sabbat Tshùaben, tshu bwôntù tsin, tsin nda' tse nebiagte nu ke tse nemi mfà lo, tse bin nsi ke fà num lén Tshùaben nà.

Sofoni 3:6

Me lo biagte ngôngô, nsate mub mba' nesag mi nebéb ngô yi; me lo sate tshob manze, kà benntùn ke bèn ntshùa bwe! Tshob ngô sate fafa, benntùn ke' bèn bwe, ba la' ke' bèn mbe!

Yoshua 5:1

Ngelaṅ njoṅ fenfen Amor fa, tse bo be num bag Yordan z'a tshù mbinyam boa njoṅ fenfen Kanaan fa tse bo nze mà dibantse ju' ndù Tshùaben lo ghù ntse Yordan jum mbwe ba Israél tà nkum ndùse bo dut là, ntù yub tum, fènntù ke bèn mbe bo mbwe ba Israél.

Apokalipse 6:15

fenfen nsitsha'a, ben ndùbndùb, ba tàndà ntsho, ghankàb, ben neta, mba zit nkuan no, mba zit ménla' lo, lem ntùm ngab, mba ntùm ndoṅ mi a num mbat là,