Yobkwi 74:9 - NTSHOB NSI

⁹ Bag ke' bèn neyen tshag tshag lén. Ghatshob ntshob Nsi ke' bèn nebe. Sàm mèn netèt bag ke' lèn ngelaṅ ze yen nu là nsi mi là.

Yobkwi 74:9 Iomraidhean Croise

Netume 12:13

Lem nsi be keki num bin, num mba' mi bin be bwe là. Me nsi yen lem, ya' zin tôge. Bu àm ze me nsi sate Egipto yi là ke nsi kwag zine.

Nsindàvù 2:9

Nzendà tse kôg ntsho ntùm tsha'a. A bagte tsemo'o, mbe' fùn tsemo' num bwe. Ze mfen boa tse kamkam b'a netèt ngôngô; ntshù' ke' bèn mbe. Mba ba ghatshob ntshob Nsi ke tshwèt mbèn nzi sàm njem z'a fe Tshùaben nà.

Ezékia 20:12

Me nsi fà mba Sabbat bo, a be keki netèl àm bag à bo, ndù bo ke ndèn ndù me b'a Tshùaben z'a be ndànte yub là.

Ezékia 7:26

Nge' nsi kwi'te num nge', tshu'te kwi'te num tshu'te. Bo nsi bètte ndù ngatshob ntshob Nsi tàm ngàme; ghale'te Nsi ke' bèn nelèn ntshù', ghakwé mbwe ke bèn nefà ntage.

Amos 8:11

Tshùaben Nsi tshob ndù, tsemo' lé'njù bwe nse'e, tse me nsi tum nziku' mum ngô là. Ke b'a kekua bàn mba ntù nekù num ntse, là, nzi mb'a nekù ntù neju' ntshob Tshùaben.

Mika 3:6

A nsi tshùa ndùlala bin be ke zi njem tèttswe', a nsi tshùa ndùlala bin be ke tshaṅ ngàm njame; lagnyam nsi bi num ba ghatshob ntshob Nsi, mbwôgtshù tam njam mbaṅ bo.

Mika 3:7

Tuswe nsi ko ghayente, tuswe nsi ko ghatshaṅ ngàme, njoṅ yub fa nsi tshùb nyiaṅ ntshu tshob mbu, nummbe Nsi ke' bèn mbùnte nu bo.

Héber 2:4

Nsi tshùa njam Ywèt Nelàn ts'a fi'i, mb'a kô là, nkwé nta mube.

Ghasa'kame 6:17

Gédéon tshob yi ndù: A be ze me be mènfen mbwe o là, o la'te ta' keki me, me tshùa bwe ndèn ndù a b'a wù bèn nke ntshob me.

1 Samuél 3:1

Samuél lo ke mfa' Tshùaben mbwe Eli. Tshùaben lo ke bèn netshob ntshob mi benntùn yen ngelaṅ nà. Ba njem lo ke bèn njàm yen ngelaṅ nà.