Yobkwi 74:20 - NTSHOB NSI

²⁰ Te lag num kàn so! Nummbe ba fimntshu gha' mbu ntùm dù' njam ts'a mum ngô là.

Yobkwi 74:20 Iomraidhean Croise

2 Samuél 23:5

Tunndà àm ke' b'a ndùlala mbwe Nsi ké? Tshù, bag yi lo wat kàn s'a tswe matmat là. Sen kàn nà b'a se ntùn, nke nkabt'àm kua' mebwô.

Yobkwi 105:8

A be nkwimte kàn se, mb'a ke zi ndagte, nke nkwimte ntshob mi a na' mfa', num zwiaṅ ntsha' mbùm nà,

Yobkwi 106:45

a tshùa num bo, nkwimte kàn se, ndaṅndaṅ mb'a be mum kondèn i z'a gha' mbu là, a ko ndèn,

Yobkwi 5:8

Là, mba me là, me be ntshùa njam kondèn o ze ndùb, ntsho ntùm nd'o. Me num ngwù nsi mbaṅ nd'o ze nelàne, ndù me dun bwôg.

Yobkwi 89:28

Tu wul àm, me nsi lo' i ghù tuswe mén yi. Mèn ndùb ntshùate fenfen nsitsha'a.

Yobkwi 89:39

Mba ndùlala, o lo ghua'a, ntène. O lo ya ntù mèn o z'o yo' mfèt là.

Yérémia 14:21

Ghù nku'ni num lén so, kà ghua' yage. Kà so tuswe tu diaṅkwa so se nekuni z'a b'a Sion nà. Kà bagte kàn se bag bin na' ngwat là, nkwimte sen kàn nà.

Nebwôgte 12:31

Kà ghù mba bo là num miag Tshùaben Nsi o, nummbe ju ze Tshùaben num mbàne, ju z'a num mbag i là, tshen ngô là lo ghù tshen tshu là nsi tshobe, nke nton mba tshob nshum boa tshob ngon ndo' ngamte yub yi.

Nebwôgte 9:27

Kwimte ghafa' tsho, Abraham, Isak mba Yakob. Kà te lag num tùntu yen nzwit mèn ni, ke te lag num tshùagntù i bo nukebwô i;

Héber 8:10

Tshùaben tshob ndù: Tshù kàn se me nsi wat bag ndà Israél, ngelaṅ tshen lé'njù là nsi tôg là: Me nsi yab ntshù' màm ntùm nkwatenu mube, me nsi kit'é ntùm ntù tshobe; me nsi be Nsi yub, bo be nzwil àm.