Yobkwi 74:2 - NTSHOB NSI

² Kwimte ben tsho ts'o na' ntshu' yub ngelaṅ mbwe là, ts'o na' ntshu' yub nelo' ngù yu ngô yi là. Kwimte yen mbat Sion là z'o te dù'ntswe o bwe là.

Yobkwi 74:2 Iomraidhean Croise

Yobkwi 106:40

Ndùlala yantù Tshùaben lo' mbwôg num ze nzwit mèn, a wag ntsi' mi.

Yobkwi 135:4

Nummbe Tshùaben lo tsho' Yakob, ntsho' Israél ndù a tù' ze ju.

Yobkwi 33:12

Mènfen b'a ngô ze Tshùaben be ze Nsi là, ghafen be ben tse Tshùaben tsho' yub ndo' ngù ze ju ntsi' yi là!

Yobkwi 68:16

Mbat Basan b'a mbat Nsi. Mbat Basan b'a mbat ze tu tse yàm nà.

Yobkwi 77:15

O b'a Nsi z'a fa' mfa' nekuni là. O lo ghù neta o tum netèt benntùn.

Yobkwi 9:11

Ben tse bo lèn lén so là be njab ntù num o, o ke' ghua' ben tse bo be ndiag o là.

Yobkwi 9:12

Yob kwi mfà Tshùaben z'a be ntswe Sion nà, soṅ mbwô mbwô tshu ts'a be ngù là netèt ngôngô.

Yobkwi 94:14

Nummbe Tshùaben ke' be kag ze nzwit mèn; ke be ghua' ntsi' mi.

Netume 15:13

O lo lo' à kondèn ntshagte yen nzwit mèn o li z'o na' ntshu' i là. O lo tshùa njam neta o ntshagt'é tà nkum dù'ntswe ze nelàne.

Netume 15:16

Bwôg bo nge' lo kab mbu num bo. Neta bu o lo ghom yub bwôg, tà nkum ndùse yu nzwit mèn tshùa là me Tshùaben, tà nkum ndùse nzwit z'o na' ntshu' yub tshùa là.

Esaya 51:11

A ndùlala, ben Tshùaben ts'a tshu' yub là nsi bèn njam. Bo nsi be nèn Sion ke yob ngu'u; tsiaṅte z'a tswe matmat là nsi kabte tu yube. Ṅwate bo tsiaṅte nsi ghebte, ya bo netsham zwe kù nène.

Esaya 62:12

Bo nsi tsiaṅ yub nzwit mèn z'a làn nà, ben tse Tshùaben tshu' yub là. Bo nsi tsiaṅ o ngô ze bo tshwèt ndiag i là, tuswe ze bo ke' ghua' i là.

Esaya 62:6

Me yab ghabéb dù' num kàbngô tsho Yérusalém, bo ke nsi memte ntshu yube, ke mbwôgtshù ke tèttswe' lo. Bin tse bin be ngù Tshùaben nke nkwimt'é là ke nsi fite.

Esaya 63:17

Tshùaben, numk'o mfaṅ bag ntsin ngùanesà num manze tsho à? Numk'o nkag sagntù ntù bag ndù kà bag nebwôg o à? Bèn nse' bag, ntshùa njam nkôni ghafa' tsho, mba njam nkôni z'o ghù num nzwit tshen nà ts'a be ntsi' mu là.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

Yérémia 10:16

Là, mèn z'a be mi ntsi' Yakob là ke' b'a ndùlala. A b'a yi na' mbèn nabte njoṅ tshu fa. Israél b'a kua' ze nzwit mèn. Lén se b'a Tshùaben tàndà ntsho.

Yérémia 51:19

Là Tshùaben z'a be ntom nzwit Yakob là ke' b'a mba tshen neto là là. Nummb'a na' mbèn nabte mba ke lo. Israél bèn mbe nzwit mèn z'a be mi ntsi' là. Tshùaben tàndà ntsho b'a lén se.

Mfa' Ghantum 20:28

Bin lôte tu wut tsin mba bwoṅ njùmbwe ze Ywèt Nelàn yab zin ghalôte netèt bwe num nebéb ntse'te ben Nsi z'a na' ndo' à be kua' lem tse ntse'te yi là.

Nebwôgte 32:9

nummbe ze kam Tshùaben b'a ze ze nzwit mèn; nzwit Yakob b'a mi ntsi' mi a lo' là.

Nebwôgte 4:20

Là, mba bin nà, Tshùaben lo lo' zin ntum yi ntùm ndà mbwôg tùn Egipto, ndùlala ndù bin tù' kua' ze nzwit mèn, mba bin be sènni là.

Nebwôgte 9:26

Me le'te Tshùaben ntshob ndù: Tshùaben, kà biagte yu nzwit mèn, ntsi' mu, z'o tshùa njam yu nezi ntshu' i, ntshùa njam bu o ze neta nsô i Egipto là.

Nebwôgte 9:29

Mba tà ndùlala, bo b'a yu nzwit mèn, mbe mu ntsi'i, ndù o bèn nsô yub Egipto njam ngù' o ze ndùb mba njam bu o z'o nyit là.

Titô 2:14

z'a na' mfà tu wul i num tu be, ndù a tshu' be num njoṅ nukebwô fa, ndànte nzwil i z'a tsho'o, a nke nta num mfa' mebwô là.

Apokalipse 5:9

bo yob kwi nswe ntshob ndù: o ku'ni nekwé ṅwa'ni, mbétte sitam tse, nummbe bo lo se tô o, o tshùa njam lem tsho, ntshu' benntùn ntùm njoṅ tunndà fa, njoṅ ntshob fa, njoṅ ngô fa, njoṅ nzwit fa, mfà yub Nsi,