Yobkwi 74:13 - NTSHOB NSI

¹³ Ṅ, a b'a wù na' mbèn ntshùa njam ngù' o mfagte dibantse, wù z'o na' ntsit tu nyàm ndùbndùb ntse là.

Yobkwi 74:13 Iomraidhean Croise

Néhémi 9:11

O lo keb dibantse mbwe bo, bo dut tèt dibantse; là o lo ma' ben bo ke nta' yub là gheme ndaṅndaṅ mba bo num ma' loṅ ntùm ntse là.

Yobkwi 66:6

A lo lo' dibantse ngù tsha' njum yi. Bo lo dut ta'ntse nku. Ndùlala bag lo tsiaṅte num i.

Yobkwi 78:13

A lo keb dibantse, nga' manze bo bwe. Ntse tsin mba kàb ndùb là.

Netume 14:21

Mosé nyit bu i num dibantse. Tshùaben lo' mo' neta fetmbaṅ z'a fe ntumnyam nà nta' dibantse yi tèttswe', ngù tèt dibantse jum. Ntse bèt bag bag.

Netume 14:28

Ntse bèn mbèn dù' i, nkabte nkalig boa ghako' nyàm ntshu ntsho Faraon fa tse bo yab njam Israél, ntsho ntùm dibantse là. Sàm mèn netèt bo ke tum.

Ezékia 29:3

Tshù ju ze Tshùaben Nsi tshob li: Wù Faraon, mfen Egipto, wù ngànyàm ndùb z'o nô netèt mu nta'ntse là, me lo nsi num o. O be ntshob ndù: Ta'ntse b'a yàm. A b'a me bèn nabt'é.

Ezékia 32:2

Mén mèn, yob nsindàvù, ma' njom num Faraon, mfen Egipto ntshob yi ndù: Metshab ngwayit ngôngô, bo biagt'o. O lo ke mfut'a ngànyàm mum ntse, nke nzinte mum nta'ntse, nke ndo' nku mu nkamte ntse yi, nke nyi'te fetntse.