Yobkwi 74:1 - NTSHOB NSI

¹ Yobkwi Asaf. O! Nsi, numk'o ngua' i yoṅ ntshù' à? Numk'o nja ntù num bwoṅ nyàm z'a be mfèt ntùm so kin n'à?

Yobkwi 74:1 Iomraidhean Croise

2 Fenfen 21:14

Me nsi ghua' tshé' ntsi' màm, me nsi swèn yub ntùm mbu ghakeban tshobe; bo nsi tù' ntsha' ntsho mum mbu ghakeban tshobe, mbe bo mba nyàm tse bo ghom nà.

Yobkwi 10:1

Tshùaben, numk'o nke ntswe ngùanesà, nke ndem ngelaṅ nge' à?

Yobkwi 100:3

Bin lèn ndù Tshùaben b'a Nsi. A b'a yi na' nabte be, be b'a ben tse. Be b'a ze nzwit mèn, bwoṅ nyàm ntùm se kin.

Yobkwi 18:8

Tsha' lo vètte, nyi'te, tun mbat kumte. Bo lo vètte, nummb'a lo ya ntù.

Yobkwi 42:11

Mvôg màm be mbe'te ntùm bwe ngelaṅ ghatsho' nku màm kebàn be ntshabt'àm, nke ntshob me njoṅ ndù fa ndù: Nsi o b'a yà là.

Yobkwi 42:9

Tshùaben lo ke mfà kondèn i me mbwôgtshù, me be tèttswe' nke njob kwi ngamt'é yi. Me lo ke mfà le'te Nsi z'a ghù yôg sàm nà.

Yobkwi 44:9

Bag be nta' nsoṅ num Nsi njoṅ lé'njù fa. Bag nsi ke ghamte lén se njoṅ ndù fa.

Yobkwi 50:1

Yobkwi. Se Asaf. Nsi neta, Nsi, Tshùaben tshob nu: A tsiaṅ njù, benntùn neto' fe bag ntumnyam nèn nkum bag mbinyam.

Yobkwi 60:1

Ntshagte yobkwi. Yobkwi David, num netswite.

Yobkwi 60:10

Moab b'a tôntse se me be nsôg wul àm bwe là. Me te ko'fen sàm mum ngô Edom. Ngô ba Filistia, bin ghù tshu'te tsiaṅte num àm.

Yobkwi 77:7

Me num nkwate njobkwi màm tèttswe'; ngù nkwate mà ntùm ntù àm, ywèt tshàm siaṅte nu.

Yobkwi 77:8

Tshùaben tù' ghua' be à yoṅ ntshù' ké? A ke' bèn mbam neko ndèn ké?

Yobkwi 78:1

Yobkwi Asaf. Yàm nzwit mèn ju' ntag màm. Bin kù' ntoṅ nju' ntshob mi a tum ntshu àm nà.

Yobkwi 79:13

Mbe se' mba yu nzwit mèn nà, bwoṅ nyàm z'a ntùm so kin nà, bag nsi ke ghamt'o matmat. Bag nsi soṅ nkuni mu ngu'ngu'.

Yobkwi 79:5

Tshùaben, o nsi ya ntù ke tsin tà kum à ndùke? Yantù o nsi ke kù mba mbwôg là tà kum à ndùke?

Yobkwi 80:5

Tshùaben, Nsi tàndà ntsho! O nsi ya ntù mba mba yu nzwit tshwèt nde't'o là tà kum à ndùke?

Yobkwi 85:6

O nsi ke ya ntù bag à njoṅ ndù fa ké? Yantù o nsi ke nèn mbwe à matmat ké?

Yobkwi 95:7

Nummb'a bèn mbe Nsi be, nzwit mèn z'a be kin mbwe se là, bwoṅ nyàm ze bu i be ntshagte là. A be ze bin ju' nz'é sènni là,

Netume 32:11

Mosé zin kam mbwe Nsi i, ntshob ndù: Tshùaben, yantù o ghù nekam num yu nzwit mèn z'o sô mà Egipto l'a numke? Tshù, o na' ndo' ngù' o ze ndùb bo bu ze neta ngù yi ndùlala.

Esaya 64:8

Tshùaben, kà ya ntù bag ntshùate, kà ke nkwimte nukebwô. Yen mbe bag be njoṅ yag fa mb'a yu nzwit mèn:

Yérémia 23:1

Tshùaben tshob ndù: Ndon tu ghabéb mbwe tse bo ghua' ben tshàm mba nyàm kin, mfaṅ yub bo sate là.

Yérémia 31:37

Tshùaben tshob ndù: A be ze be bo fi' kamànyam mfe tù, mbe ze be bo zwi'te mba tsha' tsho yi mànsi là, mb'a be me ghua' njoṅ ze nzwit Israél fa. Num njoṅ ju fa ze bo ghù me là. Tshùaben bèn ntshobe.

Nsindàvù 5:22

Ndù o nsi ghua' yag koṅkoṅ ké? O nsi ya ntù bag ke nèn à be mbwe ké?

Ezékia 34:31

Bin tse bin be mbwe tshàm nà, bin b'a ben tse me be ntshagte là. Tu wul àm, me be Nsi zin. Tshùaben Nsi bèn ntshob ndùlala.

Ezékia 34:8

Tshùaben Nsi tshob ndù: Me tshob nsaṅlaṅ bwe ntshob ndù: Mba mbwe tshàm tù' ju nsa'nsa', ntù' jujù ba nyàm tshwèt mba ngabéb yub ke' bèn mbe tse là, mba tshàm ghabéb mbwe ke' bèn nelab tshob wut num mbwe, ntù' ke nkém a tu wut tshobe, ntù' ke nsot'a be jujù ntshu tu wut tshob là,

Lukas 12:32

Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Nebwôgte 29:20

Tshùaben a' sô i nte njam num nge' i, sô i ntùm tunndà Israél fa, kua' mb'a be ntùm ndon fa ts'a ntùm kàn bo kite ntùm ṅwa'ni yen ntshù' li là.