Yobkwi 73:6 - NTSHOB NSI

⁶ A ndùlala ko'te wut b'a mub ntshèn, nefètte lem be nzwe z'a be nkabte yub là.

Yobkwi 73:6 Iomraidhean Croise

Neto'te 41:42

Faraon sô mbwô bu i, ma' bu Yosèf, ma' ṅwa'ṅwa' nzwe mebwô num i, ma' ntàmtu' gol tô i.

Esta 3:1

Tshen nu là lo be tôge, mfen Asuérus ko'te se diaṅ Haman nshum Hammedata ze mèn Agag. A so lén Haman, nko'te diaṅ se a tshùa se njoṅ fenfen fa bo ke mbe mbaṅ i là.

Yobkwi 109:18

A ma' ndon num i mba nzwe là, a tsho mum wul i mba ntse là, ntsho ntùm mvôg mi mba mfèt là.

Yobkwi 109:29

A bwô ndù tshabte kut ghabot'àm, a bwô ndù yub tuswe lam yub mba kummbaṅ nà!

Tànkùt 1:9

nummb'a b'a ta' kétmbùm kondèn s'o ghù tu o là, mbe ta' ntshèn mi o ghù tô o là.

Tànkùt 3:31

Kà ghù ghe'te num ze nze nga ntanta, ke bèn mbét sàm ze manze mba ntshù.

Tànkùt 4:17

Nummbe bo ke njù à bàn tshùagntù, nke nu à ndù' nefètte lem.

Nzenu 8:11

Nummbe Nsi ke' be tsho'te ntsha ba ghù kebwô ndende, ntù bon mèn nyiaṅtu nke nkù à be neghù kebwô.

Nkwi Nkwi 4:9

Mfèl àm ze mènnzwi, nzwi àm ze me ka, o num ndo' ntù àm. O num ndôt'àm tun lag su, ndo' ntù àm. O num ndo' mo' ta' ntshèn mu ts'a tô o là ndo' ntù àm yi.

Esaya 3:19

A nsi sô mba'ntoṅ, sô mbuo, lé' nzwe ze bo ma' tu bo là.

Yérémia 48:11

Moab lo tswe tse fite fe ndùs'a be nshum nà. A lo ke nô ts'a ndù kam mba ndu' là. Bo lo ke ke nsô i ntùm mo' ntu' naṅ ntùm mo'; a lo ke nèn tse ndà kuan. A ndùlala mbwô mi ke' à be mbe mi, ndamte mi ke' bate tse.

Yérémia 48:29

Bag lèn ko'tewut ba Moab, ko'te wut yub z'a gha' mbu là, ndèn ka'te yub, yub ta'te, ndèn ka'te ze bin ghù ntù bin ndù a gha' mbu là.

Ezékia 16:11

Me lo kwi o tshukwi, nso nkwa bu o, ma' ntshèn tô o.

Daniel 4:30

ntshob ndù: Yen ni ke b'a mà zi Babilon ze me kut nelo' ngù dù'ntswe fen yi li ké? Me ke' lo' yàm mba', yàm neta, num nkuni nufen àm kà nkut yi ndù ké?

Mika 3:5

Tshùaben lo tshob ghatshob ntshob Nsi tse bo be nsate yàm nzwit mèn nà ndù: Bin be ntshob ndù la' b'a tshaṅ ndùse bin ghù jujù là, nke ntshob ndù ntsho num ntùm ngô ndùse jujù bwoṅ bin nà.

Nebwôgte 32:15

Israél tshote nto' tatu; o tshote, ngu'u, ndunte! A ghua' Nsi z'a be mbom i là, a wag gholoṅ se yôg be mfe yi bwe là.

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.

Ghasa'kame 8:26

Nkwa gol mi Gédéon bètte là lo lèt tà nkum ndô nkàb gol ntshob sammbàa ntsha' mbùm, ke tùn nkwa mi ṅu' ke diaṅ mbume, mba' ntoṅ, boa nzwe meba tse fenfen Madian ke nket là, ke tùn mba nkwa mi a be tô kamél tshob là.