Yobkwi 73:1 - NTSHOB NSI

¹ Yobkwi Asaf. Ṅ, Nsi ghù bwôntù num Israél, num ben tse bo ghù ntù nelàn nà.

Yobkwi 73:1 Iomraidhean Croise

1 Kronika 15:17

Ben Lévi lé' Héman nshum Yoél; mbèn ndé' Asaf nshum Bérékia netèt fèt tse; nèn netèt tse nshum Mérari, fèt tshobe, ndé' Etam nshum Kushaya;

1 Kronika 16:37

David faṅ Asaf boa fèt tse mbwe Koṅ Kàn Tshùaben, ndù bo ke mfa' mbwe Koṅ Kàn, nke mfa' sob fa' mba sit lé'njù lo.

1 Kronika 16:7

A num sen lé'njù là ze David bètte Asaf boa fèt tse mbwe yoṅ i ndù bo ke njobe, ngamte Tshùaben nà.

1 Kronika 6:39

Lèn dù' ze bo na' nke ntswe bwe ndù bo kut la' sob be num yub bag ngô là b'a ndù: A nèn num bon Aron tse bandum boa nzwit tunndà ba Kéhat tse bo na' mbwôgmbwe ntam tô bwe num bo là,

2 Kronika 29:30

Yen nà be tôg mfen Ezékia boa fenfen tshob ben Lévi ndù bo lo' ntshob David bo ngatshob ntshob Nsi Asaf ngamte Tshùaben yi; bo ghamt'é ntùm ntù tsiaṅte, mben wut tshob nsi, ngwù nsi.

Yobkwi 2:6

A me bèn njo' yàm mfen, num mbat Sion, mbal àm ze nelàne!

Yobkwi 24:4

A b'a mèn z'a ghù ntù nelàne, mba mbu mi a be mi mbu' là. A b'a mèn z'a ke' be swèn ntù i tatte, ke bèn nke nkàn mfe ntatte là.

Yobkwi 42:11

Mvôg màm be mbe'te ntùm bwe ngelaṅ ghatsho' nku màm kebàn be ntshabt'àm, nke ntshob me njoṅ ndù fa ndù: Nsi o b'a yà là.

Yobkwi 50:1

Yobkwi. Se Asaf. Nsi neta, Nsi, Tshùaben tshob nu: A tsiaṅ njù, benntùn neto' fe bag ntumnyam nèn nkum bag mbinyam.

Yobkwi 51:10

Soṅ àm tshô ṅwate mba tsiaṅte, ndùlala mvôg màm mi o kôgte là nsi tsiaṅte.

Yobkwi 73:18

Ṅ, o be nte yub num manze tse netiage. O be ngù bo vù nsi mbèn ngù bo tù' ju banban.

Yobkwi 83:1

Yobkwi Asaf.

Yobkwi 84:11

Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

Yérémia 4:14

Yérusalém, lànte ntù o num nukebwô, ndùlala ndù o yôge. O nsi ke lé' nkwate kebwô ntùm ntù o tà nèn kum à ndùke?

Matio 5:8

Ghafen b'a ben tse ntù tshob làn nà, nummbe bo a' ghù njen Nsi.

Lukas 12:32

Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Yohané 1:47

Yésu be yen Natanaél mb'a tshwèt nse' yi là, ntshob num i ndù: Tshù kua' mén Israél ze nenùn ze nkùnkù ke' be ntùm ntù i là.

Roma 4:16

A ndùlala bamntù bèn ngù kà bo njù ntsi'i, a b'a ju kondèn, ndùlala ndù nka'ni ghô num njoṅ nzwit fa, ke b'a z'a b'a nda' njam ntshù' là, là mba z'a b'a njam bamntù Abraham, z'a be tà njoṅ be fa,

Titô 3:5

a yôg be, ke b'a num mfa' nunetsin mi be na' mfa' là, là ntùm kondèn i, a lo yôg be, ngù Ywèt Nelàn fà nebwe nswe mba yôg nswe be, njam nesôg wut,

Yakobo 4:8

Bin kù'te nse' mbaṅ Nsi, a kù'te nse' mbaṅ bin. Ghaghù nukebwô, bin sôg mbu mine; ghaghù ntù bàa, bin lànte ntù tsine.