Yobkwi 72:7 - NTSHOB NSI

⁷ Num sen lé'njù là nunetsin nsi te'e. Fite nsi yàm tà kum ngelaṅ ze maṅwù ke bèn nebe là. Tô ta'ntse nèn kum num ntôg tsha'a.

Yobkwi 72:7 Iomraidhean Croise

1 Fenfen 4:25

Yuda bo Israél, neto' Dan nèn nkum Ber-Shéba lo tswe ke ke mbwôge, mba we lo be tun ze nkùa bo tun se tù mbatsi num ze ngelaṅ Salomon.

1 Fenfen 5:4

Ndonni Tshùaben Nsi àm fà fite me njoṅ bag tse fa. Ghakeban ke' bèn mbe, mo' fa'te ke bèn mbe.

Yobkwi 92:12

Lag sàm be mfùag wut nelôte ghakeban tshàm, toṅ àm nke mfùag wut neju' bagkèt ghamaṅt'àm.

Esaya 2:4

A nsi be ngayab kam netèt ngôngô, be ngatshagte ntumntum yàme. Bo nsi lo' ṅwi tshob tswe nsofa' yi, lo' nkô mub tswe mbitshwèt mub yi. Mo' ngô ke nsi bèn tsho' ṅwi num mo' ngô; nezi'te nema' ntsho ke nsi bèn be.

Esaya 60:1

Lo nsi, be ntùm nelàne, nummbe Tshùaben nà z'a tum netèl o là.

Esaya 60:22

Metsil i nsi bwe tse ntsha'ntsha', fùag i fà ta' ngô z'a ta neshu là. A me Tshùaben bèn ghù tshen tshu là kua' num ngelaṅ i.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

Sakaria 9:10

A nsi sate nkalig Efraim, sate nyàmdiaṅ ts'a Yérusalém nà; a nsi biagte nkét ntsho. A nsi tshob fite ngôngô, to' ze nesa' fe num mo' dibantse nèn kum num mo', to' fe num ta'ntse nèn kum num ntôg tsha'a.

Lukas 1:33

A nsi tô nzwit Yakob yoṅ ntshù', nufen se ke nsi mi.

Lukas 2:14

Ghamte be Nsi tà mfe kamànyam, fite bèn mbe num nsitsha' netèt ben tse bo bwô Nsi là.

Mfa' Ghantum 4:32

Njoṅ benntùn fa tse bo bam nà na' mb'a ntù ntshù' mba zwiag ntshù'. Mèn lo ke be tshob ndù ju z'a ghù là b'a ze tù' i, là njoṅ tshu fa na' mb'a ntam netèt bo.