Yobkwi 72:19 - NTSHOB NSI

¹⁹ Ghamte be lén se se nekuni njoṅ ndù fa. A bwô ndù ghamt'é be num njoṅ nsitsha' fa. Amén! Amén! A bwô ndù a be ndùlala.

Yobkwi 72:19 Iomraidhean Croise

1 Fenfen 1:36

Benaya nshum Yéhoyada bùnte mfen ndù: Amén! Mba Tshùaben Nsi mfen àm bèn ntshob ze be ndaṅndaṅ.

Néhémi 9:5

Ben Lévi: Yoshua, Kadmiél, Bani, Hashabnia, Shérébia, Hodiya, Shébania bo Petalja, tshob ndù: Bin lo nsi nyàmte Tshùaben Nsi zin num ngu'ngu'! A bwô neke nyàmte lén so se nekuni s'a tshùa njoṅ nenyàmte fa bo njoṅ ghamte fa là.

Yobkwi 41:13

O lo tomt'àm nummbe me b'a mbu'u. O nsi te àm mbwe o yoṅ ntshù'.

Yobkwi 89:52

O Tshùaben, kwimte tse tshabte ghakeban tsho. Tshabte bo be mbe yi njam nku mèn z'o yo' i mfèt là.

Esaya 11:9

Mo' kebwô ke bintàn no ke nsi be, num njoṅ yàm mbat ze nelàn fa. Nummbe nelèn Tshùaben nsi dun num nsitsha', ndaṅndaṅ mba ntse be ndun dibantse là.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Yérémia 28:6

Yérémia ngatshob ntshob Nsi tshob ndù: Amén! A bwô Tshùaben ghù ndùlala. Tshùaben zwiagte ntshob mi o tshob là, ngù ndù tshundà ndà Tshùaben boa njoṅ kuan ntsho fa fe Babilon mbèn njam yen dù' li.

Habakuk 2:14

Nummbe nelèn nkuni Tshùaben nsi dun ntùm njù, ndaṅndaṅ mba ntse be ndun ntùm dibantse là!

Sakaria 14:9

Tshùaben nsi be mfen njoṅ nsitsha' fa; mum sen lé'njù là Tshùaben nsi be Tshùaben tù' i, lén se nsi be nkwi lén ntshù'.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Nesiaṅe 14:21

Mba ndùlala, mba me be ntùn nà b'a mba kuni Tshùaben dun num nsitsha' fa là.

Nesiaṅe 5:22

Men ntse li mi a num mfà ndon nà, tsho zwe' o, ngù bam so ghu'u, nku mu jume. Mènnzwi tshob ndù: Amén, amén.

Matio 6:10

ghù nufen so se'e, ghù yu nekô bumte mba mfe kamànyam mba num nsitsha'a.

Matio 6:13

Kà tshag yag ntùm laṅte, là kwé yag bu nukebwô. Nummbe nufen, neta, mba nekuni, b'a yu yoṅ ntshù' là, amén.

Apokalipse 1:18

me b'a ntùn; me lo kwù, tshù me b'a ntùn num ngu'ngu', me ghù fùn vù mba fùn ngô fe ben.

Apokalipse 22:20

Mèn z'a kwé nta tshen tshu li là, tshob ndù: Ṅ, me tshwèt nse' ndende. Amén, Tshùaben Yésu, se'e!

Apokalipse 5:13

Me ju' njoṅ tshu fa tse Nsi nabte là, tse bo mfe kamànyam nà, tse bo num nsitsha' là, tse bo mànjam nsi là, tse bo ntùm dibantse là, njoṅ njù fa mba tshu ts'a ntùm bwe là, nke ntshob ndù: Nyàmte, ghamte, nkuni, mba netô ngu'ngu' be mèn z'a tswe num ko'fen nà, mba mén njùmbwe.