Yobkwi 72:17 - NTSHOB NSI

¹⁷ A bwô ndù lén se be njoṅ ndù fa. A bwô ndù lén se be njoṅ ndù fa ze lagnyam ke' ntum nà; benntùn nsi tshùa njam i yab kàn bo bo. Njoṅ ngôngô fa nsi tshob ndù a b'a mènfen.

Yobkwi 72:17 Iomraidhean Croise

Neto'te 12:3

Me nsi yab kàn ben tse bo nsi yab kàn wù là, so ndon tu ben tse bo nsi so ndon tu o là. Njoṅ nzwit benntùn fa nsitsha' nsi tshùa à njam o kà kwé kàn.

Neto'te 22:18

Me nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.

2 Samuél 7:13

A yen mèn nà bèn kut ta' ba' num lén sàm, me ghù diaṅkwa nufen se ghum matmat.

2 Samuél 7:16

Tunndà o bo fen so nsi ghô matmat, diaṅkwa so bèn ngum nsi matmat.

1 Kronika 17:12

A yen mén nà bèn kut ta' ba' me, me ghù diaṅkwa se ghum matmat.

Yobkwi 21:7

O lo' i ngù ju mbotni yi yoṅ ntshù', ngù a nke ndun tsiaṅte mbwe o.

Yobkwi 45:17

Bon tsho nsi lo' ze dù' tà tsho. O nsi yabte yub mba bon mfen nà ntùm ngô fa.

Yobkwi 89:36

Me lo lo' Nelàn àm nkàn mfe yi. Me nsi tatte David ké?

Netume 3:15

Nsi bèn ntshob Mosé ndù: O nsi tshob bon Israél ndù: Tshùaben Nsi tà tsine, Nsi Abraham, Nsi Isak, Nsi Yakob bèn ntum àm mbaṅ bin. Tshù lén sàm nà num njoṅ zwiaṅ njù fa, a mba bo nsi tù' ke ntsiaṅ àm nà.

Esaya 7:14

A ndùlala ze tu wut Tshùaben nsi fà ta' nsa bin nà. Tshù nsa mbit li: Ménngon nsi be jùm, bwe mén mandum, tswi lén se ndù Emmanuél, yen nà bagt'a ndù: Bag à bin Nsi bèn mbe.

Yérémia 4:2

A be z'o lo' tu wut Tshùaben nsaṅlaṅ yi, ntùm nenùne, ntùm ndaṅndaṅ, ntùm netsin nà, mba bo nsi tshùa njam i tam ntse ngôngô, ngôngô bèn nke ṅwate njam i.

Matio 1:21

A nsi bwe mén mandum, o tswi lén se ndù Yésu. Nummbe a nsi bèn yôg ben tse num nukebwô tshobe.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Lukas 1:48

Nummbe a te miag mi num mbwoṅ nkuan i ze mènnzwi. Tshù, lo sènni njoṅ nzwit benntùn fa nsi ke tsiaṅ àm ndù mènfen.

Mfa' Ghantum 3:16

A tshùa num bamntù num lén Yésu, sen lén nà fà neta yen mèn ni ze bin tshwèt njen mbe ndù bin lèn i là. Bamntù z'a num Yésu là yate yen mèn ni yoṅ ntshù' mbwe njoṅ zin fafa.

Galatia 3:14

ndùlala ndù mbotni Abraham se' num ghakelèn Nsi njam Yésu Kristô, mba ndù bag à bin kwé nka'ni Ywèt njam bamntù.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

Efésô 3:14

A ndùlala, me kwim ntunkekwi' màm mbwe Tà

Filipi 2:10

ndùlala ndù njoṅ ntunkekwi' fa mfe kamànyam, num nsitsha' mba mànjam nsi kwimte nsi num lén Yésu,

Kolosé 1:3

Bag num ngamte Nsi, Tà Tshùaben Yésu Kristô njoṅ ngelaṅ fa, nke nde'te Nsi num bin.

1 Pétro 1:3

Ghamte be Nsi mba Tà Tshùaben be Yésu Kristô: Ntùm kondèn i ze ndùb, a lo bèn mbwe be njam nelo num vù Yésu Kristô ndù be ghù nenywinte z'a be ntùn nà,

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.