Yobkwi 72:15 - NTSHOB NSI

¹⁵ Ngelaṅ z'a ke' ntùn nà, mba bo nsi fà gol z'a fe Séba là yi. Bo nsi le'te num ze tu ke tsin, bo nsi ke ghamt'é njoṅ lé'njù fa.

Yobkwi 72:15 Iomraidhean Croise

1 Fenfen 10:10

Mfen mènnzwi là fà gol mfen Salomon bon bàa nkù, mfà mfèt nelamte yi kua' yàme, boa ndoṅ tanjoṅ. Bo lo ke bèn mfà mfèt nelamte mfen Salomon a yàm mba njoṅ mi mfen mènnzwi z'a Séba fà yi là.

1 Fenfen 10:14

Gol z'a ke nse' Salomon mba zit ngu'njù lo là na' mb'a talaṅto ntshob ntôg bon ntôg nkù ntôge;

2 Kronika 9:1

Mfen Séba z'a na' mb'a mènnzwi là ju' bo nke nsoṅte nu mfà num Salomon, ndùlal'a se' num nelo' ba tànkùt ndaṅt'é yi. A se' Yérusalém bo mo' bwoṅ benntùn, mba bwoṅ kamél ndùbo ket mfèt nelamte, nket gol ndù a yàm neshu boa ndoṅ tanjoṅ. Mfen mènnzwi là tsho ndà Salomon, nsoṅ i njoṅ tshu fa ts'a ghù ntù i là.

Yobkwi 21:4

Nummb'o lo yà soṅ i njam mbotni kondèn o. O te tshe' gol nelàn tu i.

Yobkwi 45:4

Neta ngama' ntsho, tam ṅwi nkembe' o, num ghamt'o mba nkuni mu.

Yobkwi 72:19

Ghamte be lén se se nekuni njoṅ ndù fa. A bwô ndù ghamt'é be num njoṅ nsitsha' fa. Amén! Amén! A bwô ndù a be ndùlala.

Esaya 60:6

Ta' bwoṅ kamél nsi kab num o, ba nyàm neket tshu yi, tse Madian bo Efa; njoṅ yub fa nsi fe à Séba; bo nsi ket gol bo la nelamte. Bo nsi sa ghamte Tshùaben njoṅ dù' fa.

Matio 2:11

ntsho ndà, njen mén bo Maria màab nkwim ntunkekwi' mub nsi mbwe mén, ngamt'é, nga' mbàm mube, mfà nda' yi: Gol, labinda mba mire.

Matio 21:9

Bwoṅ benntùn tse bo be mbwe mba tse bo be njam nà kua' ntshob ndù: Hôsanna Mén David, mbotni be mèn z'a tshwèt nse' num lén Tshùaben nà. Hôsanna tà mfe tù.

Matio 6:10

ghù nufen so se'e, ghù yu nekô bumte mba mfe kamànyam mba num nsitsha'a.

Yohané 11:25

Yésu tshob yi ndù: Tu wul àm me b'a nelo num vù mba yôg. Mèn z'a bam àm nà, a be z'a kwù mba nekwù là, mb'a nsi yôge.

Yohané 14:19

Num mo' ngelaṅ njù ke bèn neyen àm; là bin, bin nke njen àm, nummbe me tshwèt njôge, mba bin zin nsi yôge.

Yohané 5:23

ndùlala ndù njoṅ benntùn fa ghamte Mén mba bo be ngamte Tà là: Mèn z'a ke' be ghamte Mén nà, ke' be ghamte Tà z'a tum i là.

Filipi 2:11

mba ndù njoṅ ndém fa tshob ndaṅndaṅ ndù Yésu Kristô b'a Tshùaben, num nkuni Nsi Tà.

1 Tésalônikà 3:11

A bwô ndù tu wut Nsi, Tà be mba Tshùaben be Yésu la'te manze bag se' la' bin.

2 Timôtio 4:22

Tshùaben be bo ywèt tsho. Kondèn be bin.

2 Pétro 3:18

là bin ku' ntùm kondèn mba nelèn Tshùaben be mba ngayôg be Yésu Kristô. Ghamte be yi fe ndonni tà nèn nkum miagte lé'njù. Amén.

1 Yohané 1:2

yôg lo tswite wul i, bag lo yen i, bag tshwèt nkwé nta mi, bag tshwèt nsoṅ zin yôg matmat s'a na' mbe mbaṅ Tà, yôg se bo na' ntswite bag là,

Yuda 1:25

ghamte neghu' ze ndùb, neta, ngù' be ta' Nsi ntshù' ngayôg be njam Yésu Kristô Tshùaben be, ghamte lo be yi, ghamte num yi, ghamte nsi be yi ngu'ngu'. Amén.

Apokalipse 1:18

me b'a ntùn; me lo kwù, tshù me b'a ntùn num ngu'ngu', me ghù fùn vù mba fùn ngô fe ben.