Yobkwi 72:12 - NTSHOB NSI

¹² Nummb'a nsi tshu' mbwoṅ z'a tshwèt nkua' là, tshu' ngayennge' mba mèn z'a ke' ghù ngaywimt'é là.

Yobkwi 72:12 Iomraidhean Croise

2 Samuél 14:16

Kua' nenùn mfen a' ju' ju ze ngafa' i me ze mènnzwi nsi tshob là, ntshu' àm bu tshen ben tse bo tshwèt ndiag nebiagte yage, me bag nshum àm num ntsi' mi Nsi na' mfà ze nzwit mèn nà.

ṄWA'NI YOB 29:12

Nummbe me lo ke ntshu' mbwoṅ z'a bètte ywimte là, nke ntomte ménntse z'a bwoṅ dù' neyé'te bwe là.

ṄWA'NI YOB 36:15

Là Nsi num ntshu' njennge' ntùm ntobni i, nke ntshùa njam nge' neyen nke nzi't'é.

Yobkwi 10:17

Tshùaben, o be nju' ju ze ben nebétni be nkô là, o be ntswe'te ntù yube; o be nkù' ntoṅ,

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 102:20

A ben wul i nsi mfe mum dù' ze nelàne; Tshùaben tsin mfe kamànyam ndôte num nsitsha'a.

Yobkwi 55:17

Tu wul àm, me be nkua' Nsi, Tshùaben nsi yôg àm.

Yobkwi 72:4

A nsi ghù nunetsin ghayennge' tse bo ntùm ngô là. A nsi yôg bon mbwoṅ nyiaṅte ngaghùtni nku.

Tànkùt 29:7

Mèn netsin num nkwimte netshètte njam bwoṅbwoṅ, là ghatshùagntù ke' lèn sàm nu bwe.

Nzenu 4:1

Mbèn mbe, me ma' miag màm tun bam kamànyam njen mbe nefétte benntùn yàm nga' mbu. Bin yen mba ghayennge' tshwèt mfètte ntsenyà njene; ngatshwétte ntsenyà mub ke' be, neta b'a ju ghafétte yube; bo ke' ghù ngazibte yube.

Esaya 41:17

Ghayennge' boa bwoṅ be ndiag ntse ke yen, lém sob nke njumte. Me Tshùaben nsi ju' nze yub, me Nsi Israél, me ke nsi ghua' yube.

Lukas 4:18

Ywèt Tshùaben num num àm, nummbe a lo yo' àm ndù me tshob nkùn mebwô bwoṅbwoṅ. A lo tum àm ndù me ghù ntù benntùn ts'a be'te là yate, ndù me tshob ba kuan ndù bo tswe yub tu, ndù ba mfùmiag yene, ndù benntùn tse bo tshwèt ngùtni yub là nèn tsiaṅte.

Lukas 7:22

A bùnte ntshob ghantum ndù: Bin nèn nsoṅ Yohané ju ze bin yen mbèn nju' là: Ba mfùmiag tshwèt njene, ba kekat nke nzine, wut ghankin làn, ba mbu'ntoṅ nke nju'u, fe ben nke ndo num vù, bo tshwèt nke ntshob nkùn mebwô bwoṅbwoṅ.

2 Korintô 8:9

Nummbe bin lèn kondèn Tshùaben be Yésu Kristô, yi ngankàb lo tù' mbwoṅ num bin, ndùlala ndù bin tù' ghankàb njam bwoṅ i.

Héber 7:25

A ndùlala, a ku'ni neyôg ben tse bo tshùa num i, nke nèn mbaṅ Nsi là njoṅ ndù fa, nummbe tu wul i b'a ntùn njoṅ ngelaṅ fa ndù a bu' mbu num tu bo.

1 Samuél 22:2

Njoṅ tse bo ke njen nge' là, tse bo ghù njo tu bo là, tse ntù yub na' mbe ke ke ntshùa là so wut num i, a tù' yub mfen. Bo tamte mbe mbaṅ i nguan benntùn nkù kuà.