Yobkwi 72:10 - NTSHOB NSI

¹⁰ Fenfen Tarsis bo ba ngô tètntse nsi fà ntshub, fenfen Séba mba tse Saba nsi fà ba nda'.

Yobkwi 72:10 Iomraidhean Croise

Neto'te 10:7

Bon Kush tse bandum: Séba, Havila, Sabta, Raama bo Sabteka. Bon Raama tse bandum: Shéba bo Dedan.

1 Fenfen 10:1

Mfen Séba z'a na' mb'a mènnzwi là ju' bo nke nsoṅte nu mfà num Salomon, ndùlal'a se' num nelo' ba tànkùt ndaṅt'é yi.

1 Fenfen 10:10

Mfen mènnzwi là fà gol mfen Salomon bon bàa nkù, mfà mfèt nelamte yi kua' yàme, boa ndoṅ tanjoṅ. Bo lo ke bèn mfà mfèt nelamte mfen Salomon a yàm mba njoṅ mi mfen mènnzwi z'a Séba fà yi là.

1 Fenfen 10:2

A se' Yérusalém bo mo' bwoṅ benntùn, mba bwoṅ kamél ndù bo ket mfèt nelamte, nket gol ndù a yàm neshu boa ndoṅ tanjoṅ. Mfen mènnzwi là tsho ndà Salomon, nsoṅ i njoṅ tshu fa ts'a ghù ntù i là.

1 Fenfen 10:25

Mba we lo lo ke ndo' nda' nse' yi: Tshu tse bo lo' silba nabte yi là boa tse gol, ba nzwe, tshuntshùag, ba labinda, ba nyàmdiaṅe, boa nyàm tse kekwèn bo nyàmdiaṅ bèn mbwe là. Bo lo ke ngù ndùlala mba num zit ngu'njù lo.

2 Kronika 9:21

Nummbe mfen lo ghù nsitima mi a fe Tarsis, mi boa ghafa' Huram ke nse' là; a lo ke mbe kum ngu'njù tat nsitima fe Tarsis nse'e, ndù a ket gol bo silba, sô nsennyàm, ba nkanmaké boa paon (a b'a mo' tshaṅ saṅ se mbàb mi zi neshu, ngù nto'nto' là) nse' yi.

Esta 10:1

Mfen Asuérus tam ntshub tu ngô tètntse ts'a be dibantse là.

Yobkwi 45:12

Mfen te lag num bwô o. Mb'a b'a Tshùaben o là.

Yobkwi 68:29

Nsi, lo' neta o ntshob nu yi, O Nsi, me tshob à neta z'o fa' fa' yi num bag là,

Yobkwi 68:30

neto' fe ndà o z'a tsin Yérusalém nà. Fenfen nsi lo' nda' se' fà wù.

Esaya 42:10

Bin tse bin num nzinte num dibantse, nke ntswe bwe là, ngô ts'a tètntse là boa ba la' tse, bin yob ta' kwi nswe Tshùaben, bin yob nyàmt'é yi tà nèn nkum num ntôg tsha'a.

Esaya 42:4

Ywèn ke nsi ko i, a ke bèn mbole, tà nkum ndùs'a te nunetsin num nsitsha' là, mba ngô ts'a tètntse nke nywinte num ntshù' i là.

Esaya 43:3

Nummbe me b'a Tshùaben Nsi o, Mèn Nelàn Israél, ngayôg o; m'a' fà Egipto num tu o, mfà Etiopia bo Saba num yu dù'.

Esaya 43:6

Me nsi tshob tu ndù: Ba' yub njam, tshob ntèn ndù: Kà bèn netshùb yube. Lo' nshumnshum tshàm mfe yi ntùm ngôngô ts'a tum nà; lo' ngonngon tshàm mfe yi num tôg tsha'a.

Esaya 49:7

Tshùaben, ngatshu', Mèn Nelàn Israél, tshob mèn ze bo tshwèt ngwag i, nke me't'é netèt benntùn, ndù a mb'a nkuan ben neta là ndù: Fenfen nsi yen i lo tsin tù, kamkam yen i ngwù nsi kabkab, mbe ndùlal'a num Tshùaben z'a be mèn nenùne, mbe ndùlal'a num Tshùaben z'a na' ntsho' o là.

Esaya 60:3

Ngôngô ke nzin à mum nelàn o, fenfen nke nzin ntùm nelàn mu nkô nyam.

Esaya 60:6

Ta' bwoṅ kamél nsi kab num o, ba nyàm neket tshu yi, tse Madian bo Efa; njoṅ yub fa nsi fe à Séba; bo nsi ket gol bo la nelamte. Bo nsi sa ghamte Tshùaben njoṅ dù' fa.

Esaya 60:9

Nummbe ngô ts'a tètntse là tshwèt nywinte num àm. Nsitima Tarsis bèn nkwé mbwe, num nelo' bon tsho ngùanesà mbèn yi njam, boa silba yub, gol yub. Yen nà fa b'a num lén Tshùaben, Nsi o, num lén Mèn Nelàn Israél, z'a be ngamt'o là.

Matio 2:11

ntsho ndà, njen mén bo Maria màab nkwim ntunkekwi' mub nsi mbwe mén, ngamt'é, nga' mbàm mube, mfà nda' yi: Gol, labinda mba mire.