Yobkwi 71:22 - NTSHOB NSI

²² Me nsi nyàmt'o num nze loṅe. Nsi àm, me nsi yob kwi num yu nenùne. Me nsi ghamt'o num loṅe, me Nelàn Israél!

Yobkwi 71:22 Iomraidhean Croise

2 Fenfen 19:22

A wù z'o na' ntut'é à? O tshag nz'o tù à num we? O lo bù' miag mu tù, num ze Mèn Nelàn Israél!

Yobkwi 138:2

Me be nkwim ntunkekwi' màm nsi mbwe ndà o ze nelàne, me be ngamte lén so, num kondèn o mba num nenùn o, nummb'o lo ghù ntshob mu ju'ni, mbù't'é num njoṅ tshu fa.

Yobkwi 144:9

Nsi, m'a' yob yobkwi nswe wù, m'a' ghamt'o num loṅ nsa gham;

Yobkwi 25:10

Kondèn mba fite num njoṅ tse manze Tshùaben fa, num ben tse bo be ndé' ntshù' mi mba nkàn mi là.

Yobkwi 33:2

Ghamte Tshùaben num loṅe, bin ghamt'é num loṅ s'a ghù nsa gham nà.

Yobkwi 43:4

Ndù me zi nèn mbaṅ tômbwôg le'te Nsi, Nsi z'a be mfà tsiaṅte mba ṅwate là. O Nsi, me nsi ghamt'o num loṅe, mbelàbe.

Yobkwi 56:4

Ngelaṅ me be ntùm bwôg là, mba m'a' yab ntù àm num o.

Yobkwi 78:41

Bo ke tsin nelaṅte Nsi. Mba neke nkamte Israél Nsi Israél z'a be Nelàn nà.

Yobkwi 89:1

Yobkwi Ethan, mèn Ezrak.

Yobkwi 89:18

Nummb'o b'a ghamte ze neta. A b'a yu bwôntù bèn nke mbù'te yag neta.

Yobkwi 98:3

nkwimte nkôni mi mba nenùn i num ze ndà Israél. Njoṅ ntôgnjù fa yen yôg Nsi yag.

Yobkwi 98:4

Bin tshag nze zin Tshùaben tù ntùm tsiaṅte, njoṅ zin fa tse bin be ntswe num nsitsha' là. Bin ghù ndù zin ṅwate tum tù, bin yob kwi.

Yobkwi 98:5

Bin yob kwi Tshùaben num loṅe. Bin ghù ndù zin ṅwate lo' loṅ njob njobkwi yi.

Esaya 12:6

Ben bo be Sion nà tshag nze yub tù ntùm tsiaṅte, nke ṅwate! Nummbe ze Mèn Nelàn Israél b'a mèn ndùb netèl o.

Esaya 43:3

Nummbe me b'a Tshùaben Nsi o, Mèn Nelàn Israél, ngayôg o; m'a' fà Egipto num tu o, mfà Etiopia bo Saba num yu dù'.

Esaya 5:16

Tshùaben tàndà ntsho nsi be mèn ndùb a num ze netsho'te ntsha. Nsi nelàn nsi be nelàn ntshùa num ze nunetsine.

Esaya 5:19

Nge' tu ben bo be ntshob ndù: A bwô ndù Nsi nànte, mfa' se fa' ndende ndù bag yen nà. Bo be ntshob ndù: A bwô ndù ntàmtenu ze Mèn Nelàn Israél bumte, ndù bag lèn i.

Esaya 5:24

A ndùlala, nga yub nsi tù' bwe tse ndaṅndaṅ mba bèn ze mbwôg kù i, ndaṅndaṅ mba nyi'nga ze mbwôg kù i là. Nsàm mub nsi lo nsi mba mbab mi fetmbaṅ kam i là, nummbe bo lo wag kàn Tshùaben tàndà ntsho, ntam ntshob ze Mèn nelàn Israél ku.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Esaya 60:9

Nummbe ngô ts'a tètntse là tshwèt nywinte num àm. Nsitima Tarsis bèn nkwé mbwe, num nelo' bon tsho ngùanesà mbèn yi njam, boa silba yub, gol yub. Yen nà fa b'a num lén Tshùaben, Nsi o, num lén Mèn Nelàn Israél, z'a be ngamt'o là.

Mika 7:20

Kwé nta yu nunetsin num Yakob, kwé nta bwôntù o num Abraham mb'o na' nka' ba tà tshag fe mbwembwe là.

Roma 15:8

Me tshob ndù Kristô lo tù' ngafa' ben tse bo si ket là, num nenùn Nsi, ndùlala ndù a ghù nka'ni mi ba tà kwé là bumte.