Yobkwi 7:9 - NTSHOB NSI

⁹ Wù Tshùaben ngatsho'te ntsha ngôngô. Tshùaben! Tshùa njam yàm nunetsin mba yàm nebe mbu'u ntsho'te ntsha àm.

Yobkwi 7:9 Iomraidhean Croise

Neto'te 20:5

Abraham lo ke bèn ntshob me ndù a mfèl i ze mènnzwi ké? Mba kua' yi lo ke tshob ndù Abraham b'a mfèl i ze mandum à! Me lo ghù ndùlala ntù àm ke tam num sàm ju.

1 Fenfen 8:32

mb'a bwô ndù o tsin mfe kamànyam nju' nz'é, ngù num i mb'a bètte là. Tsho'te ghafa' tsho; naṅ ntsha tu ngafànnu, ngù ndù nzin mi vù a be tu i; ghù nunetsin mbu'u, ngù num i a mb'a b'a mbu' là.

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

Yobkwi 10:15

Be' bu tshùagkèt mèn mba mèn kebwô, te lag num mfànnu mi, biagt'é num miag mu.

Yobkwi 10:18

ndù o ghù nunetsin ménntse bo mèn bo fétt'é là, ndùlala ndù mènntùn ze bo sô i à ntùm tsha' là mèn nyiaṅtu tsine, ke bèn nekag bwôg.

Yobkwi 11:5

Tshùaben be ndaṅte mèn netsine. A be mban tshùagkèt mèn mba mèn ze nefétte lem be mbwô i là.

Yobkwi 139:1

Ntshagte yobkwi. Yobkwi David. Tshùaben, o be nzwi't'àm.

Yobkwi 17:3

A be z'o lôte ntù àm, a be z'o nèn tshù i tèttswe' là, a be z'o laṅt'àm nà, mb'o ke yen sàm ju. Nkwat'àm ke b'a ze ghua, ntshob mi a num ntum ntshu àm nà ke be mi ghua.

Yobkwi 18:21

Tshùaben lo ghù me ndaṅndaṅ mba yàm nunetsin be là. A lo ghù me ndùlala nummbe me b'a mbu'u.

Yobkwi 26:2

Tshùaben, momt'àm, Tshùaben laṅt'àm. Momte zwe' àm mba ntù àm.

Yobkwi 35:23

Lo nsi, lo nsi ngù nunetsin me! Nsi àm mba Tshùaben àm, tshèt njam àm.

Yobkwi 37:23

Tshùaben be ngù nku mèn ta nsi; nku mèn ta, nzin mi nke mbwô Tshùaben.

Yobkwi 40:2

Me lo yab yàm nenywinte num Tshùaben; a ben wul i num àm, nju' nkua' màm.

Yobkwi 43:1

O Nsi, ghù nunetsin me, tshètt'àm num nzwit ben tse kondèn ke bo là, tshu' àm mbu ghafùte mba ghafànnu.

Yobkwi 44:21

A lo mbe ndù bag lagte lén Nsi yag, ntshag mbu mag mo' nsi ghua,

Yobkwi 58:6

Ke be ju' nze ghatatte, ke ze ngaka z'a lèn mfù ke se mebwô là lo.

Yobkwi 9:9

A lo' nunetsin ntsho'te njù yi, a keb ntsha ngôngô ntùm nu ndaṅndaṅ.

Yobkwi 96:10

Bin tshob netèt ba tum ndù: A b'a Tshùaben nke nsa' njù. A féb njù nsi, a ke' ghù nenyi'te. A nsi lo' nenùn tsho'te ntsha ba tum yi.

Yobkwi 96:13

Ngù ndùlala mbwe Tshùaben, nummb'a tshwèt nse'e. Nummb'a tshwèt nse' tsho'te ntsha njù. A nsi lo' nunetsin tsho'te ntsha njù yi. A nsi lo' nenùn i tsho'te ntsha benntùn yi.

Yobkwi 98:9

mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.

Yérémia 11:20

Nda' ndù Tshùaben tàndà ntsho b'a ngatsho'te ze netsine. A be ntswe ntùn, ndèn bam mèn bo ntù i. Me nsi yen yagte mba' z'a nsi tsho num bo là. Nummbe me yab njoṅ nu fa mum mbu mi.

Yérémia 17:10

Me Tshùaben, me be ntswe' ntun ntù mèn, ndèn bam se, ngù mba we lo à mba nzin mi lo' mbe yi là, ndaṅndaṅ mba mfa' mi lo' mbe yi là.

Yérémia 20:12

Tshùaben tàndà ntsho, wù z'o be ndiag ntun num mèn netsine, wù z'o be ntswe' ntun, ndèn bam mèn bo ntù i là, be me yen yagte mba' z'o ghù num bo là ké? Nummbe me yab yàm nu à ntùm mbu mu.

Daniel 11:45

A nsi kut ba ntàb mfen ni netèt dibantse bo kônga nelàne z'a be ntùm ngô ndù a bwô ntshùa tsemo' là. A b'a bwe là ze vùkob nsi koṅ i, kà sàm mèn ke ywimt'é là.

Mfa' Ghantum 12:23

Là, be kua' ndùse, Angél Tshùaben lab i, nummbe a lo ke fà ghamte Nsi; mbé' fèl i, a kwù.

Roma 16:25

Ndùlala, me lem zin Nsi z'a ku'ni nefà tànntù bin njam nkùn mebwô àm mba Yésu Kristô ze me num ntshob là, njam netswite tsham s'a na' ndem fe tà mbwe,

1 Tésalônikà 3:13

Tshùaben fà tànntù ntùm ntù tsine, ngù bin be ke lo' ntùm nelàne mbwe Nsi, Tà be, ngelaṅ Tshùaben be Yésu nsi se' ntùm nkuni mi boa njoṅ ben tse tse nelàn fa là.

1 Pétro 5:10

Là Nsi njoṅ kondèn fa z'a na' ntsiaṅ zin num nkuni mi mi a tswe yoṅ ntshù' num Kristô là, tu wul i nsi ghù bin bwô miagte, ngù tànntù, ngù neta, ngù bin tswe ke nyi'te, ngelaṅ bin nsi yen nge' num mo' ngelaṅ nà.

Yuda 1:1

Me Yuda, nkuan Yésu Kristô, mfèt Yakobo, me kite yen ṅwa'ni li à ben tse Nsi Tà kô yube, ben ts'a lé' yub num Yésu Kristô, ben ts'a tsiaṅ yub là.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.

1 Samuél 16:7

Tshùaben tshob Samuél ndù: Kà lôt'a ntshù mi bo mb'a sag là, nummbe me ke' lo' i. Tshùaben ke' be yen à mba mènntùn num njen ze là; mènntùn ke njen à z'a bwô num miag là, là Tshùaben nke ndôt'a ntù mèn.

1 Samuél 2:9

a nsi ke béb nku ben ts'a num nkô yub là, là, a nsi biagte ghatshùagntù ntùm njame. Nummb'a ke b'a neta bèn ghù mènntùn yob ngu'u.