8 Ke mbumte ngôngô lam o mbum no, o bèn ndo nsi num i.
Nga, be lèn yen nkwate là ke be ntù o, b'o ke bam ndù mèn netsin bo mèn kebwô vù ntùm nkù ntshù'. Ngatsho'te njoṅ njù nsitsha' fa nsi ghù nunetsine.
A bwô ndù Nsi Abraham bo Nakor be ngakeb ntsha netèt be. Yakob lo' Ngafétwut ze Isak be mbwôg i là nkàn mfe yi.
Wù Nsi yag, o ke so ntsha o num bo ké? Nummbe bag ke' ghù neta mbwe tshen bwoṅ benntùn ni ts'a tshwèt nse' num bag là. Bag ke' lèn mba bag ghù là, nda' ndù miag mag te à num o.
Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.
A bwô ndù nu nebe mbu' mba nunetsin kabt'àm, ngelaṅ me tshwèt njab yàm nenywinte num o là.
Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.
Tu wul àm, me ke nzin ntùm nzin mebwô. Tshu' àm, mbèn nko ndèn màm!
Me nsi lèn ndù o be nkô àm, a be ze ngakeban ke' tshùa àm nà.
O Nsi, ghù nunetsin me, tshètt'àm num nzwit ben tse kondèn ke bo là, tshu' àm mbu ghafùte mba ghafànnu.
David lo tshagte yub ntùm ntù nelàne. Ndo' bu zenu ntshagte yub yi.
Yobkwi Asaf. Nsi tsin mum mbumte ba nsi. A tshwèt ntsho'te ntsha netèt ba nsi:
Tshùaben tswe matmat, a te ko'fen se num nu tsho'te ntsha.
Ngù ndùlala mbwe Tshùaben, nummb'a tshwèt nse'e. Nummb'a tshwèt nse' tsho'te ntsha njù. A nsi lo' nunetsin tsho'te ntsha njù yi. A nsi lo' nenùn i tsho'te ntsha benntùn yi.
mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.
Mebwô b'a mbwoṅ z'a be nzin ntùm nenùn nà, ntshùa mèn z'a be ntshob lamte ntshobe, mbe nkagni là.
Nummbe a yab lé'njù s'a nsi keb ntsha ntùm netsine, njam mèn z'a na' ntsho' i num bwe là. A lo la'te lèn njoṅ benntùn fa mb'a ghù a lo num vù là.
Nta'nsoṅ mag b'a kwénta mi nzentù tshag num mfà bag, ndù bag tshwèt njôg ntùm njù ntùm nelàn mba nenùn Nsi, njôg mbe mbwe bin, ke b'a ntùm zenu mbàb wut, là ntùm kondèn Nsi là.
Bin b'a ghakwénta, mba Nsi, ndù bag lo be nelàne, netsine, ke lo', netèt bin, bin tse bin na' mbam nà;
