Yobkwi 7:2 - NTSHOB NSI

² Tshùaben Nsi àm, o bèn mbe yàm ndàlem, kwé àm bu ben bo tshwèt ntsho' nku màm kebàn nà, tshu' àm.

Yobkwi 7:2 Iomraidhean Croise

2 Samuél 14:6

Ngafa' o me ze mènnzwi lo ghù nshumnshum bàa. Ntu tshob bàa lo kam ntanta, nzwe zwe', mèn z'a fagte yub là ke tum; ndùlala mo' lab mfèl i kà nzwi i.

ṄWA'NI YOB 10:7

Tu wul o lèn ndù me ke' vù ntsha, ndèn ndù sàm mèn ke bwe z'a b'a tshu' àm bu o là.

Yobkwi 10:9

A tshwèt nya' dù' z'a lem nà, ndaṅndaṅ mba ngwayit ntùm ntô i là. A tshwèt nya' ngayennge'. A be ngom i, nsoṅ i, ma' i ntùm nkù i.

Yobkwi 11:1

Ntshagte yobkwi. Se David. Yàm dù' lem b'a num Tshùaben. Be bin tshob me ndù me kù nèn num tsin mbat, mba saṅ n'a ndùke?

Yobkwi 16:1

Miktam David. O Nsi, béb àm! Nummbe yàm ndàlem b'a num o.

Yobkwi 17:12

Mba ngwayit ze nziku' ya i, a nke ndiag ju nefèt là, mba mén ngwayit z'a tshwèt nya' ju ntùm dù'ntswe i là.

Yobkwi 22:13

Mfot mfô yàm kaṅt'àm, mfot mfô Basan diaṅ àm mbume.

Yobkwi 31:2

Tshùaben! Me ke ndiag yàm ndàlem à num o. Kà bam ndù tuswe zi nko àm! Tshu' àm num yu nunetsine.

Yobkwi 35:15

Là ngelaṅ tu wul àm vù nsi là, bo tsiaṅte, mbèn ntse'te, ntse'te ke soṅ àm, num netut'àm. Bo be nsé't'àm ke faṅ ngelaṅ

Yobkwi 50:22

Bin tse bin be ndagte Nsi là, bin zete, mbwôg ndù a be ze me sé'te zin nà, sàm mèn ke ku'ni nekwé zine.

Yobkwi 59:2

Nsi àm, tshu' àm mbu ghakeban tshàm, kabt'àm num ghamaṅt'àm.

Tànkùt 19:12

Yantù mfen b'a mba ntshu' ngwayit là, bwôntù mfen b'a mba meme' mi a num nenà là.

Esaya 38:13

Me lo tshùb ntù àm tà nkum nkebnjù. A lo be'te njoṅ mvôg màm fa mba ta' ngwayit là. O be mbe' te' àm mbwôgtshù mba tèttswe'!

Nebwôgte 33:20

A tshob num nzwit Gad ndù: Mbotni be mèn z'a gha'te ze ngô Gad là! Gad nô nsi a mba nzwi ngwayit là, a num nsé'te ndaṅ bu bo tu mèn.

2 Timôtio 4:17

Là Tshùaben lo be njam àm, ngù ntshob nkùn mebwô dun, ghakelèn Nsi ju'. A lo kwé àm ntshu ngwayit.

1 Pétro 5:8

Bin zete, nzi tshùalo! Ngakeban zin, Satan, mba ngwayit z'a tshwèt nkua' là, tshwèt nzinte, nke ndiag mèn z'a ghom nà.

Ghasa'kame 18:28

Mèn ke tshu' Laïs nummb'a na' mb'a ngùanesà mbaṅ Sidon, ba la' tse ke be tsho tsemo' benntùn shune. Laïs na' mb'a tômbo' s'a be ntèn nèn Bét-Rehob là. Bon Dan bèn nkut tusô, ntswe bwe.