Yobkwi 7:10 - NTSHOB NSI

¹⁰ Ghù ndù nukebwô ghaghù kebwô mi, fà tànntù ntù mèn netsine, wù Nsi netsin z'o be ndiag ntun num ba ntù boa ba zwe' là.

Yobkwi 7:10 Iomraidhean Croise

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

2 Kronika 6:30

mb'a bwô ndù o tsin mfe kamànyam ntùm dù'ntswe o ndagte mbèn njwimte. Ghù mba we lo mb'a bètte là, mba nzin mi be yi là; tu wul o lèn mba we lo, o bèn ndèn ntù njoṅ benntùn fa.

ṄWA'NI YOB 8:6

a be z'o tsine, mbe ndaṅndaṅ nà, mb'a nsi lôt'o kà ke tag, bèn ghù ndù fu' bèn ntùm ndà o, wù z'o b'a mbu' là.

Yobkwi 112:2

Nzwil i nsi be ze neta ntùm ngô, bo nsi yab kàn zwiaṅ benntùn netsine.

Yobkwi 125:4

Tshùaben, ghù numebwô ben mebwô, ben tse bo ghù ntù ndaṅndaṅ nà.

Yobkwi 3:3

Ben yàme be ntshob num àm ndù: Ywimte ke' bèn mbe yi mbaṅ Nsi.

Yobkwi 84:11

Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

Yobkwi 89:18

Nummb'o b'a ghamte ze neta. A b'a yu bwôntù bèn nke mbù'te yag neta.

Tànkùt 11:20

Ben tse bo ghù ntù kebwô là nu tshob be mbag Tshùaben, là ben tse manze tshob b'a nenùn nà be mbwô i.

Tànkùt 2:21

Nummb'a b'a ben ndaṅndaṅ nsi bèn tswe ntùm ngô, ben nenùn nsi bèn ghô bwe.

Tànkùt 28:18

Mèn z'a be nzin ntùm nenùn nà nsi yôge, mèn z'a num mbwe lamte manze bàa là nsi vù num ta' i ntshù'.

Yérémia 11:20

Nda' ndù Tshùaben tàndà ntsho b'a ngatsho'te ze netsine. A be ntswe ntùn, ndèn bam mèn bo ntù i. Me nsi yen yagte mba' z'a nsi tsho num bo là. Nummbe me yab njoṅ nu fa mum mbu mi.

Yérémia 17:10

Me Tshùaben, me be ntswe' ntun ntù mèn, ndèn bam se, ngù mba we lo à mba nzin mi lo' mbe yi là, ndaṅndaṅ mba mfa' mi lo' mbe yi là.