Yobkwi 7:1 - NTSHOB NSI

¹ Nsindàvù ze David yob Tshùaben num Kush mèn Benjamin là.

Yobkwi 7:1 Iomraidhean Croise

Yobkwi 11:1

Ntshagte yobkwi. Se David. Yàm dù' lem b'a num Tshùaben. Be bin tshob me ndù me kù nèn num tsin mbat, mba saṅ n'a ndùke?

Yobkwi 13:3

Me nsi ke ghù nywin ntùm ntù mba sit lé'njù lo, me nsi ghù ngùtni ntùm ntù tà nèn kum à ndùke? Ngakeban àm nsi ke lo nsi num àm tà nèn kum à ndùke?

Yobkwi 13:5

Ndùlala kà ngakeban tshob ndù: M'a' tshùa i, mba ndù kà ghakeban tshàm tsiaṅte ngelaṅ me tiag là.

Yobkwi 18:2

A tshob ndù: O Tshùaben, me num nkô o, o b'a yàm neta.

Yobkwi 18:28

O be njôg ben tse bo num mbétni là, nke nkôg ben tse bo be nko'te wut là.

Yobkwi 25:2

Nsi àm, me ke njab ntù àm à num o, kà bam ndù tuswe ko àm. Kà bam ndù ghakeban tshàm tsiaṅte num àm.

Yobkwi 26:1

Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

Yobkwi 3:7

Me ke tshwèt mbwôg ben ntshu'ntshu' tse bo lam àm mbum nà.

Yobkwi 30:12

O lo' njoṅ yàm nekua' fa nkaṅ tsiaṅte yi. O sô bam vù bu àm, ntôg nzwe nswe tun àm,

Yobkwi 30:2

O! Tshùaben, me nyàmt'o, nummb'o lo bù't'àm. O ke' bam ndù ghakeban tshàm tsiaṅte num àm.

Yobkwi 31:15

O! Tshùaben, me be njab ntù àm num o, ntshob ndù: O b'a Nsi àm!

Yobkwi 32:10

Ya yàm num tshùagkèt mèn, là mèn z'a be njab ntù i num Tshùaben nà, kondèn Tshùaben lam i mbume.

Yobkwi 43:4

Ndù me zi nèn mbaṅ tômbwôg le'te Nsi, Nsi z'a be mfà tsiaṅte mba ṅwate là. O Nsi, me nsi ghamt'o num loṅe, mbelàbe.

Yobkwi 89:26

Me nsi yab bu i num dibantse, yab bu i ze zwim num ta'ntse.

Esaya 50:10

Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

Yérémia 15:15

Tshùaben, o lène, kwimt'àm, lôt'àm. Yagte mba' àm num ghama'ni àm, kà sô yantù o; lèn mbe me ke mfènte yen tute li à num tu o.

Yérémia 20:11

Nda' ndù Tshùaben ze bag yi be là b'a kua' neta sa'nde'e. A ndùlala, ghatsho' nku màm kebàn ke nsi tshùa àm, bo nsi tiag vù nsi. Yub nevù nsi ma' yub ntùm tuswe. Yen nà nsi b'a tuswe matmat, ze ke lagte.

Yérémia 31:18

Me ju' mba nzwit Efraim tshwèt ndàn nà, a tshwèt ntshob ndù: O lo so ntsha tu àm, ntsha tsho tu àm, me be mba ta' fot mfô se bo ke' kwiagt'é là. Ghù me bèn njam, me nsi bène, nummb'o b'a Tshùaben Nsi àm.

Daniel 9:4

Me lo ke nde'te Tshùaben Nsi àm, nke ntshob yi ndù: Tshùaben Nsi ndùb bo ze nekuni, wù z'o be ndé' kàn so, nke nko ndèn ben tse bo be nkô o mbèn nke nze ntshù' mu là;

Habakuk 3:1

Le'te Habakuk, ngatshob ntshob Nsi, num mat nsindàvù.

Sakaria 14:5

Bon nsi kù nèn mum tômbo' mbat tshàm, nummbe tômbo' ba mbat nsi nèn tà nkum Asél; bin nsi kù mba bin na' nkù mbwe tsha' z'a ke nyi'te num ze ngelaṅ Ozias, mfen Yuda là. Tshùaben Nsi àm nsi se'e, boa njoṅ ben tse tse nelàn fa.

Yoshua 14:8

Fèt tshàm tse bag à bo be là lo kag bwôg mum ngô, là tu wul àm, me lo be yàm à be kua' njam Nsi àm.

1 Pétro 1:21

bin tshùa njam i, mbam Nsi z'a bam i num vù, mfà nkuni yi là, ndùlala ndù bamntù zin mba zin nenywinte be num Nsi.

1 Pétro 4:19

Ndùlala, a bwô ndù ben tse bo tshwèt njen nge' mba Nsi kô là fà ntù tshob Mbom mèn ze nenùne, ntùm neghù numebwô.