Yobkwi 69:4 - NTSHOB NSI

⁴ Me kua' tà mbole, nzetô àm jum. Miag màm yub nze num nebéb Nsi àm.

Yobkwi 69:4 Iomraidhean Croise

Yobkwi 35:19

Kà ben tse bo be mbàn àm banban nà tsiaṅte tshob num àm. Kà ben tse bo be mbàn àm ke ntun nà lo' mvèn miag mub ntshabt'àm yi!

Yobkwi 40:12

Wù Tshùaben! O ke nsi gha kondèn o me. Kondèn o mba yu nenùn nsi ke béb àm njoṅ ndù fa.

Yobkwi 59:3

Tshu' àm mbu ghatshùagntù, njôg àm mbwe gha mbu lem!

Yobkwi 6:7

Me be kua' neshu, njob fa, ntsenyà be nsôg kunndà sàm njoṅ tèttswe' fa, ntsenyà màm be nzwi' kunndà sàm.

Yohané 15:25

Ndùlala ndù ntshob mi bo na' nkite ntùm ntshù' yub là bumte ndù: Bo lo bàn àm banban.

2 Korintô 5:21

Mèn z'a be ke to' ghù nukebwô là, Nsi lo lo' i mba nukebwô là num tu be, ndùlala ndù be tshùa num i, ntù' nunetsin Nsi.

1 Pétro 2:22

yi z'a ke' ghù nukebwô, yi ze nkùnkù ke' tum ntshu i,

1 Pétro 2:24

yi z'a ket nukebwô ntùm wul i num fanta'tù ndù a fagte be num nukebwô, ngù be yôg num nunetsine, yi ze ntshu mfaṅ tse ghù bin yate là.

1 Pétro 3:18

Be ndaṅndaṅ, mba Kristô lo kwù yoṅ ntshù' num njoṅ yoṅ tse fa num nukebwô, yi mèn netsine, num ben ketsin, ndù a tshag zin mbaṅ Nsi; bo lo zwi i ntùm mbàb wut, a bèn ntù' ntùn ntùm Ywèle,