Yobkwi 69:36 - NTSHOB NSI

³⁶ Nummbe Nsi a' yôg Sion, bèn kut ngô ts'a Yuda là; bo nsi tete bwe, lo' ghù yub yi.

Yobkwi 69:36 Iomraidhean Croise

Yobkwi 102:28

Là tu wul o, o ke mba be mal i. Ngu'njù tsho ke nsi mi tse.

Yobkwi 37:29

Ben netsin nsi ghù ngô, tswe bwe njoṅ ndù fa.

Yobkwi 91:14

Mb'a be nkô àm nà, me nsi tshu' i; me nsi tshètt'é mb'a lèn lén sàm nà.

Esaya 44:26

Me saṅlaṅ num ntshob ngafa' àm, me ke nzwiagt'a ju ghantum tshàm na' mbùt là. Me tshob num Yérusalém ndù bo nsi tswe bwe; ntshob num ntusô Yuda ndù bo nsi bèn kut yube. Me nsi bèn bù'te fam yub.

Esaya 61:9

Me nsi lèn nzwit yub netèt ngôngô, lèn nzwit yub netèt ntumntum. Njoṅ benntùn fa tse bo nsi yen yub là, nsi lèn ndù bo b'a nzwit yen nà ze Tshùaben tam ntse yi là.

Yohané 14:23

Yésu bùnte ntshob yi ndù: A be ze mèn kô àm nà, mb'a nsi lé' ntshob màm, mba Tàa nsi kô i, mba bag nsi se' yi, mba bag nsi ghù dù' ntswe mbaṅ i.

Mfa' Ghantum 2:39

Nummbe nka'ni b'a mine, mi bon tsine, mba mi ben tse bo be ngùanesà, ben yàm tse Tshùaben Nsi be nsi tsiaṅ yub là.

Roma 8:28

Là, bag bin lèn ndù, ntùm njoṅ tshu fa, Nsi num mfa' num nukebwô boa ben tse bo num nkô i là, ben ts'a tsiaṅ yub ndaṅndaṅ mb'a na' njà be ntùm nkwatenu mi là.

Yakobo 1:12

Mènfen b'a mèn z'a be mfènte laṅte là, nummbe ngelaṅ a nsi tshùa laṅte là, a nsi kwé tshe' yôg se Tshùaben ka' ben tse bo kô i là.

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

Apokalipse 21:27

Sàm ju nesagte, sàm ngaghù nu ṅu' mba sàm ngatatte ke nsi tsho bwe, nda' ben tse bo kite yub ntùm ṅwa'ni yôg mén njùmbwe là nsi bèn tsho bwe.