Yobkwi 69:28 - NTSHOB NSI

²⁸ Kwi'te mfànnu num mfànnu mube, ndùlala ndù kà bo ghù yub bag i ntùm kondèn o.

Yobkwi 69:28 Iomraidhean Croise

Esaya 4:3

Bo nsi tsiaṅ tshé' ba Yérusalém boa tse Yérusalém ben nelàne, mba we lo ze bo kite lén se Sion netèt benntùn nà.

Esaya 65:16

Mèn z'a nsi kô ndù mbotni be yi ntùm ngô là, mb'a bwô ndù a lon yen ju l'a num lén Nsi nenùne. Mèn z'a nsi kô nekàn mfe ntùm ngô là, mb'a bwô ndù a kàn mfe à num lén Nsi nenùne. Nummbe me nsi lagte njwèn nge' fa. Tshen njwèn nge' là nsi lem num miag màm.

Ezékia 13:9

Bu àm lo nsi num ghatshob ntshob Nsi tse tshob njem b'a tse banban, ntshob mub be be mi tatte là; bo ke nsi be netèt mbumte yàm nzwit mèn. Bo ke nsi kite lén sob mum ṅwa'ni tunndà Israél. Bo ke nsi tsho mum ngô Israél. Yen ngelaṅ nà bin nsi lèn ndù me b'a Tshùaben Nsi.

ṄWA'NI OSÉ 1:9

Tshùaben tshob Osé ndù: Tswi lén se ndù: Ghua' ju Lo-Ami; nummbe bin ba Israél ke' bèn mb'a ben tshàm. Tu wul àm me ke bèn ne mbe sàm ju bin.

Lukas 10:20

Là mba ndùlala, kà bin tsiaṅt'a mba ba ywètkebwô fà wut nsi mbwe bin nà, là, a bwô bin tsiaṅt'a num mba bo kite ndèn min mfe kamànyam nà.

Filipi 4:3

Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.

Héber 12:23

ntse'te mbwe bon tse bo kite ndèn mub ntùm kamànyam nà, Nsi ngatsho'te ntsha njoṅ benntùn fa, ba ywèt ben netsin tse bo bwô miagte là,

Apokalipse 13:8

Njoṅ ba ntùm njù fa nsi ghamt'é, ben tse bo ke' kite lén sob fe ngelaṅ nenabte njù, ntùm ṅwa'ni yôg mén njùmbwe ze bo na' nse tô i là.

Apokalipse 22:19

A be ze mèn sébte ju num ntshob mi a ntùm ṅwa'ni yen nu ghatshob ntshob Nsi li là, mba Nsi a' sébte se bag tù yôg mba ze bag ngô nelàne, tse bo kite ntùm yen ṅwa'ni li là.

Apokalipse 3:5

Mèn z'a tshùa ntsho là nsi ket nzwe fôgtab be ndaṅndaṅ, me ke nsi bwete lén se ntùm ṅwa'ni yôg, me nsi kwé nta lén se mbwe Tàa mba mbwe ba Angél tse.