Yobkwi 67:7 - NTSHOB NSI

⁷ Tsha' lo fà tshu ts'a tum ntùm bwe là. Nsi, Nsi yag be njab kàn bag.

Yobkwi 67:7 Iomraidhean Croise

Yobkwi 22:27

Bwoṅbwoṅ nsi jù ywèle, ben tse bo be ndiag Tshùaben nà nsi ghamt'é. A bwô ndù ntù zin tswe matmat.

Yobkwi 29:11

Tshùaben be mfà neta ben tse. Tshùaben be naṅ mbotni num ben tse, ngù bo tswe fite.

Yobkwi 33:8

A bwô ndù njoṅ njù fa bwôg Tshùaben. A bwô ndù njoṅ benntùn fa tse bo ntùm njù là ke mvètte mbwe i.

Yobkwi 65:5

Mènfen b'a mèn z'o tsho' i, mbam ndù a se' mbwe o, ntswe bam ntshundà tsho là! Bag nsi jù ywèt mum fu' z'a be ndà o, mum ndà o z'a be ze nelàn nà.

Yobkwi 72:17

A bwô ndù lén se be njoṅ ndù fa. A bwô ndù lén se be njoṅ ndù fa ze lagnyam ke' ntum nà; benntùn nsi tshùa njam i yab kàn bo bo. Njoṅ ngôngô fa nsi tshob ndù a b'a mènfen.

Yobkwi 98:3

nkwimte nkôni mi mba nenùn i num ze ndà Israél. Njoṅ ntôgnjù fa yen yôg Nsi yag.

Esaya 30:23

Ndùlal'a nsi naṅ mbaṅ num ju z'o nsi ywit ntùm tsha' là. Jujù z'a nsi tum ntùm tsha' là nsi lamte, kém wut mèn mebwô. Nyàm tsho nsi fèl à ntùm kin se nenà be bwe là mum sen lé'njù là.

Esaya 43:6

Me nsi tshob tu ndù: Ba' yub njam, tshob ntèn ndù: Kà bèn netshùb yube. Lo' nshumnshum tshàm mfe yi ntùm ngôngô ts'a tum nà; lo' ngonngon tshàm mfe yi num tôg tsha'a.

Esaya 45:22

Njoṅ zin fa bin be num ntôg njù là, bin kaṅ wut tsin nse' ntèl àm, ndùlala bin nsi yôge. Nummbe me b'a Nsi, ndù mo' ke' bèn mbe.

Esaya 52:10

Tshùaben bù' bu i ze nelàn nsi num miag njoṅ ngôngô fa, mbe ndù njoṅ ntôg tsha' fa nsi yen yôg s'a fe Nsi be là.

Lévitiko 26:4

mba me nsi ke tum mbaṅ bin ngelaṅ i, tsha' fà tshu, ntù mi a num njam ntàm nà yam ntàm mube.

Mika 5:4

A yi nsi bèn lo' fite se' yi! Ndùse Asiria nsi tsho ntùm ze be ngô, ndùs'a nsi nyiaṅte tse be tsha' nku là, yen ngelaṅ nà bag nsi ghù ghatshagte sammbàa lo nsi num i, mba kamkam benntùn fome.

Sakaria 8:12

Nummbe tshu tse bo ywit nsi là nsi bile, nkùa fà ntàm mi, tsha' yam ntàm mi, kamànyam tum meme'; me nsi fà tshen tshu là yen tshé' nzwit mèn ni.

Sakaria 9:10

A nsi sate nkalig Efraim, sate nyàmdiaṅ ts'a Yérusalém nà; a nsi biagte nkét ntsho. A nsi tshob fite ngôngô, to' ze nesa' fe num mo' dibantse nèn kum num mo', to' fe num ta'ntse nèn kum num ntôg tsha'a.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Mfa' Ghantum 13:26

Fèt tshàm, bon nzwit Abraham mba bin tse bin num mbwôg Nsi là, bo na' ntum ntshob sen yôg li à be.

Mfa' Ghantum 13:47

nummbe tshù ju ze Tshùaben na' ntshob bag li: Me lo yab o ndù o be nka' ghakelèn Nsi, mbèn mbe yôg tà nèn nkum num ntôg tsha'a.

Mfa' Ghantum 2:28

O ghù me lèn manze yôg, o nsi ghù me dun tsiaṅte mbwe o.

Galatia 3:14

ndùlala ndù mbotni Abraham se' num ghakelèn Nsi njam Yésu Kristô, mba ndù bag à bin kwé nka'ni Ywèt njam bamntù.

Galatia 3:9

Ndùlala, njoṅ ghabamntù fa ghù mbotni boa Abraham ngabamntù.

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.