Yobkwi 66:14 - NTSHOB NSI

¹⁴ Nka'ni mi nkub ntshu màm tshobe, ntshu àm tshob ngelaṅ me be ntùm nge' là.

Yobkwi 66:14 Iomraidhean Croise

Neto'te 35:3

Bag bin nsi lo ko' nèn Bétél; me nsi tsho bwe bom tômbwôg le'te Nsi z'a na' nju' nz'àm ngelaṅ nge' là; bag yi lo ke mbe num njoṅ ngelaṅ fa me be tshwèt nkatte là.

2 Samuél 22:7

Me lo tsin ntùm nge' àm ntsiaṅ Tshùaben, me lo tsiaṅ Nsi àm num ywimte. A lo tsin ntùm dù'ntswe i nju' nz'àm, nkua' màm nèn tà nkum num ntoṅ mi.

Yobkwi 18:6

Ndam vù lo lam, njwi' vù lo ghom àm.

Nesiaṅe 30:12

ndu i ju' ke tshob nu yi, ke gha, mba yen nebam nà ghô be ndùlala, mba nu z'a bam mfà num tu wul i là ghô be ndùlala.

Nesiaṅe 30:2

Mosé tshob kamkam Israél ndù: Tshù ju ze Tshùaben bètte ndù bin ghù li:

Nesiaṅe 30:8

a be ze ndu i ju' ke tshob nu yi be num sen lé'njù là, mba yen nebam nà nsi ghô. Mba z'a na' mbam mfà num tu wul i là ghô be ndùlala.

1 Samuél 1:11

A ghù nka'ni ntshob ndù: Tshùaben tàndà ntsho! A be z'o bame, ntam lag num sobni ngafa' o ze mènnzwi là, a be z'o kwimt'àm, ke lag ngafa' o me ze mènnzwi, a be z'o fà ta' mén mandum ngafa' o me là, mba m'a' yab i ntùm fa' so wù Tshùaben njoṅ ngelaṅ fa z'a nsi ke' ntùn nà, ke bam ndù shua' zi ntshùa tu i.