Yobkwi 66:10 - NTSHOB NSI

¹⁰ Kua' nenùne, Nsi lo laṅte be. A lo ghù be tshùa ntùm mbwôg ndàn mba tùn nkàb là.

Yobkwi 66:10 Iomraidhean Croise

ṄWA'NI YOB 23:10

A ne ndèn manze ze me tshùb là, mbe ndù a lo ndaṅt'àm mba m'a' làn à mba gol là.

Yobkwi 17:3

A be z'o lôte ntù àm, a be z'o nèn tshù i tèttswe' là, a be z'o laṅt'àm nà, mb'o ke yen sàm ju. Nkwat'àm ke b'a ze ghua, ntshob mi a num ntum ntshu àm nà ke be mi ghua.

Tànkùt 17:3

Tômbwôg b'a num silba, ndà mbwôg be num gol, là mèn z'a num ndaṅte ba ntù là b'a Tshùaben.

Tànkùt 25:4

Tsho' ba befe num silba, ta' kab nsi tum ngana tùn bwe.

Esaya 48:10

Me lo ma' o ntùm kab mbwôg mba tùn nà, là, ke b'a ndù me sô nkàb bwe; me lo laṅt'o ntùm ndà mbwôg laṅte.

Sakaria 13:9

Me nsi ma' yen bag i ntshù' num bag tse tat là ntùm mbwôge, lànt'é mba bo be ndànte nkàb là. Me nsi lànt'é mba bo be ndànte gol là. A nsi tsiaṅ lén sàm, me ju' nz'é mbame; me nsi tshob ndù: A b'a yàm nzwit mèm, tu wul i tshob ndù: Tshùaben b'a Nsi àm.

Malashi 3:3

A nsi tswe nsi, tone, lànte nkàb; a nsi lànte nshumnshum Lévi. A nsi lànte yube, tswite yub mba bo be ndànte gol bo nkàb là, ndù bo ke mfà nda' Tshùaben ntùm nunetsine.

Nebwôgte 13:3

kà tshu ts'a tshob nke mbumte mb'a tshob wù ndù bin yi nèn mbaṅ tsemo' nsi, tshen nsi là ts'o ke' lèn yube, mfa' bo là,

Nebwôgte 8:16

a yi na' ngù o njù mana kônkwa, mana ze tà tsho ke' lèn tshaṅ i là, ndùlala ndù a lab o mfà nsi, ndaṅt'o, mbèn ntshùa njam bwe ngù mebwô wù.

Nebwôgte 8:2

Israél, kwimte manze fa ze Tshùaben Nsi o na' ngù o zin bwe num ngu'njù ṅam nkuà kônkwa là. A na' ngù ndùlal'a nelo' ndab o yi mfà nsi bo nelaṅt'o yi, ndèn mba ntù o be yi num i là, mba neyen mbe z'o nsi lé' nkàn mi ke nga lo là.