Yobkwi 65:3 - NTSHOB NSI

³ Wù z'o be nju' le'te là, njoṅ benntùn fa nsi se' tèl o.

Yobkwi 65:3 Iomraidhean Croise

1 Fenfen 9:3

Tshùaben tshob yi ndù: Me ju' le't'o bo nema' mbu ts'o tshob me là. Me lànte yen ba' li z'o kut num nete lén sàm bwe matmat là. Me nsi te miag màm bwe, yab ntù àm bwe njoṅ ndù fa.

2 Fenfen 19:20

Ndùlala Esaya nshum Amots tum bo tshob Ezékia ndù: Tshù ju ze Tshùaben Nsi Israél tshob li: Me ju' le'te z'o le't'àm yi num nu Senakérib mfen Asiria là.

2 Fenfen 20:5

Bèn njam mbaṅ Ezékia mfen yàm nzwit mèn ntshob yi ndù me Tshùaben Nsi tàab David ju' le'te z'a le't'àm yi là, mbèn njen ntsenyà mi a fètte là. Ndùlala me nsi yat'é, a be kum lé'njù tat a ko' nèn ndà Tshùaben.

Yobkwi 38:4

Mo' ju ntùn ke ntùm mbàb wul àm, mba num yantù o. Neta ke' bèn mbe num mvôg màm, mba num nukebwô àm.

Yobkwi 40:12

Wù Tshùaben! O ke nsi gha kondèn o me. Kondèn o mba yu nenùn nsi ke béb àm njoṅ ndù fa.

Yobkwi 51:7

Tshù, bo bwe àm à ntùm mfànnu, màa lèl àm à ntùm nukebwô.

Yobkwi 79:9

Nsi ngayôg yag, ywimte yag num ghamte lén so! Tshu' yage, ndagte nukebwô tshag num nu lén so!

Esaya 6:7

A lo' nge'mbwôg là nkwag ntshu àm yi, ntshob ndù: Yen nge'mbwôg li kwag nkub ntshu mu, ndonni bo bwete nukebwô tsho, mbiagte mfànnu mu.

Esaya 66:23

Njoṅ benntùn fa nsi se' vù nsi mbwe àm mba num sit jùa Sabbat lo. Tshùaben bèn ntshobe.

Yérémia 16:19

Tshùaben, o b'a yàm neta, mbe yàm dù' lem, yàm ndàlem mum lé'njù nge', ngôngô nsi fe num ntôg njù se' mbwe o tshob ndù: Ju ze bo ghabte tà tshag kwé là b'a banban, ka'te z'a ke' ywimte là.

Sakaria 13:1

Mum sen lé'njù là, mo' tumnsi ntse nsi bèt num tunndà David bo ba Yérusalém, num nesôg nukebwô bo nesagte.

Yohané 1:29

Njù be làne, Yohané yen Yésu, a nke nse' mbaṅ i, a tshob ndù: Tshù mén njùmbwe Nsi z'a ket nukebwô njù là.

Galatia 5:17

Nummbe ghe'te mbàb wut b'a ngakeban Ywèle; Ywèt b'a ngakeban mbàb wut; bo num mbàn netèt bo, ndùlala ndù kà bin ghù ju ze bin kô là.

Héber 9:14

bag à bin lèn ndù lem Kristô z'a tshùa njam Ywèt ts'a tswe yoṅ ntshù', mfà tu wul i Nsi, kelo' là, nsi lànte nzentù be num mfa' nekwù ndù be fa' Nsi z'a be ntùn nà.

Apokalipse 1:5

mba njam Yésu Kristô, ngakwénta ze nenùne, tuswe mén netèt fe ben mba mfen fenfen num nsitsha' là. Ghamte be mèn z'a num nkô be, z'a lànte be num nukebwô be ntùm lem tse,