Yobkwi 61:7 - NTSHOB NSI

⁷ Kwi'te lé'njù yàm num tse lé'njù mfen, ndù ngu'njù tse nèn mbwe, ntswe ngu'ngu'.

Yobkwi 61:7 Iomraidhean Croise

Neto'te 24:27

Ntshob ndù: Ghamte be Tshùaben, Nsi tàfa' àm Abraham; a ghù bwôntù i num tàfa' àm, mbèn mbe mèn nenùn yi. A Tshùaben bèn ntshagt'àm num manze tà nèn nkum ndà fèt tàfa' àm.

Neto'te 32:10

Me kag neshu num njoṅ mfu' fa mi o fà me, me ze me be nkuan o là. Nummbe me lo dut Yordan bag kôg sàm, ndonni me tshwèt ngabte ben tshàm nkam mbàa.

2 Samuél 7:26

Lén so be neghamte, bo ke ntshob ndù: Tshùaben tàndà ntsho b'a Nsi Israél! Mba ndù tunndà ngafa' o David ghum num miag mu.

Yobkwi 21:5

A lo ke mbètt'o yôg, o fà yi, yôg s'a tswe yàme, ntswe matmat là.

Yobkwi 40:11

Me ke' be mem nunetsin o ntùm ntù àm. Me be nsoṅ yu nenùn mba so yôg. Me ke' be lem kondèn o mba yu nenùn ntùm mbumte ndùb.

Yobkwi 41:12

Me nsi lèn ndù o be nkô àm, a be ze ngakeban ke' tshùa àm nà.

Yobkwi 43:3

Tum nka' o mba nenùn o, bo ke ntshagt'àm, bo ke ntshagt'àm num mbal o ze nelàne, mba ntùm tsho dù'ntswe!

Yobkwi 57:3

Me be nkua' ntsiaṅ Nsi z'a tà mfe tù là, Nsi z'a be ngù njoṅ i fa à num yàm ywimte là.

Tànkùt 20:28

Bwôntù bo nenùn be mbéb mfen; a be ntshùa njam bwôntù tomte diaṅkwa se.

Mika 7:20

Kwé nta yu nunetsin num Yakob, kwé nta bwôntù o num Abraham mb'o na' nka' ba tà tshag fe mbwembwe là.

Lukas 1:33

A nsi tô nzwit Yakob yoṅ ntshù', nufen se ke nsi mi.

Héber 9:24

Nummbe Kristô ke' tsho à ntùm dù' nelàn ze mbu benntùn bèn nkut, mfuni ko' dù' nelàn nà, là a tsho à kua' mfe kamànyam ndù a tsin mbwe Nsi num tu ben ndonni.