Yobkwi 60:5 - NTSHOB NSI

⁵ O ghù yu nzwit mèn yen tshu ts'a ta là. O ghù bag nu ndu' zwiaṅte.

Yobkwi 60:5 Iomraidhean Croise

Yobkwi 127:2

Bin ke ndo nsi mà nkebnjù à banban, bin ke mbe zi nsèn à banban, nke njù bàn zwe à banban; a be mfà bàn ben ts'a be nkô yub là ntùm miaglo be ndaṅndaṅ.

Yobkwi 17:7

La'te kondèn o, wù ngayôg ben tse bo be ndiag ndàlem num o là. O be njôg yub mbwe ben tse bo be maṅte neta o là.

Yobkwi 18:35

A lo zi'te mbu màm nema' ntsho, mbu màm lo dù' ngoṅkét tùne.

Yobkwi 20:6

A bwô bag tsiaṅte num yu netshùa ntsho, a bwô ndù bag bù' fenkaṅ nsi num lén Nsi yag. A bwô ndù Tshùaben bam njoṅ tshu fa ts'o lon nà.

Yobkwi 22:8

Njoṅ benntùn fa tse bo be njen àm nà be ntshab àm, bo be nga' ntshu yube, nyi'te tu yube, ntshob ndù:

Yobkwi 60:12

O Nsi, a ke b'a wù na' mbèn ntèn yag ké? O Nsi, a b'a wù bèn mbe ke netum bin à tshag ntshu ntsho ké?

Yobkwi 71:20

O laṅte yag mum nge' mba ngùtni yàme. Là, o nsi bèn fà yôg bag. O nsi ghù bag tum ntùm ngem mi a mum tsha' là.

Yobkwi 74:11

Numk'o mbèn bu o njam, bu o ze zwim à?

Yobkwi 75:9

Mo' ntu' num bu Tshùaben, dù' ze tamte nsam ndu' be là. A be nke nsô, ghatshùagntù tse bo be num tsha' là nke mfine, nke nu, nu tà nkum num tun i.

Netume 15:6

Tshùaben àm, bu o ze zwim lo la'te ze neta, bu o ze zwim lo be'te ngakeban

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Esaya 51:17

Yérusalém, bame, bam num miaglo, lo nsi. Wù z'o nu ntu' yantù z'a tum bu Tshùaben, wù z'o fin ntu' là tà nkum bwe tse ts'a be nshùmte miag mèn nà.

Yérémia 11:15

Ke ze yàm nzwit mèn me num nkô i nsi ghù ntùm ndà àm à? Nu nefètte lem be ntôg bwe neshu ndù a bèn ngù. Mbàb ze bo lo' ngamte Nsi yi là nsi ghù o tum ntshu nge' ké? O ke njob ngu' à ndùs'o ghù nukebwô là.

Matio 17:5

Mb'a ke nke' ntshob là, tshù, mo' ndot neké' se' ndam yub mbume; tshù, ntùm ndot nze mèn tshob ndù: Yen ni b'a mén àm ze me num nkô i, mbèn njab ntù àm fa num i là. Bin ke nju' i.

Matio 3:17

Tshù, nze mèn fe kamànyam, ntshob ndù: Yen ni b'a Mén àm ze me num nkô i, mbèn njab ntù àm fa num i là.

Nebwôgte 33:12

A tshob num nzwit Benjamin ndù: A b'a nzwit ze Tshùaben be nkô i neshu là. A nsi tswe à ntùm mbétni mbaṅ i. Tshùaben a' ke nkabt'é njoṅ ndù fa. A nsi ke tswe à netèt num ntshua' mbe' mi.

Nebwôgte 33:3

Tshùaben be nkô ze nzwit mèn, A be nabte tse ben. Bo b'a mbaṅ nku mu. Bo kwé ntshob mu.